Invictus - 6/10

Nogals interessant, maar ou Clint se flieks het gewoonlik baie dieper karakterontwikkeling. Ek dink hy het egter met Invictus 'n redelike akkurate periode drama gemaak, en 'n baie goeie buite staander estimasie gemaak van wat seker kon gebeur het. Ek dink hy het heelwat emosionele onderstrominge te veel onderskat, en 'n te veel Hollywoodse uitkomste voorgestel. Te veel emosies is afgewater om 'n romantiese beeld te skep, wat maar baie krakerig, dun en oppervlakkig is. Op SA 264 van Johannesburg na Munich vir werk.

The Love Punch - 5/10

The Love Punch het 'n redelike rolverdeling, maar is baie lig. Dit het 'n paar skerp komiese tonele, maar daar is geen karakterontwikkeling om van te praat nie. Saam met Bella op die bank.

Suurlemoen! - 5/10

Suurlemoen! is 'n baie ligte Afrikaanse fliekie, sekerlik op die jonger mark gerig. Dit is steeds kykbaar. Het dit saam met die families Le Roux en Stander by Kolonnade gekyk, as deel van Francois se verjaardag. Het daarna 'n draai by die nuwe Toni's in Magalieskruin ook gemaak. 

A Million Ways to Die in the West - 5/10

A Million Ways to Die in the West is 'n redelike onder-die-belt komedie. Nogals jammer dat hulle so baie vloek daarin, anders sou dit dalk meer toeganklik gewees het vir 'n groter gehoor. Daar is 'n paar regtig snaakse tonele. Moet nie saam met Tannie San van Pofadder of Boeta kyk nie, tensy Boeta al bietjie ouer is. Saam met Bella op die bank. 

Divergent - 8/10

Daar is miskien heel party gate in Divergent se storielyn, maar dit ten spyt, is dit steeds 'n baie lekker wetenskapfiksie fliekie om te kyk. Alhoewel daar seker volwasse temas aangespreek word, is dit tog kykbaar vir die familie. Die milieu is uitstekend, die vertolkings gepas, en die einde oop genoeg vir nog 'n weergawe of wat. Kyk gerus, maar moet nie hoe" tempo aksie verwag nie. Saam met Bella op die bank.