Jack Ryan: Shadow Recruit - 5/10

Jack Ryan: Shadow Recruit is 'n baie gemiddelde poging tot die Jack Ryan sage ten spyte van die ster-belaaide rolverdeling. Dit staan beslis terug vir die televisie reeks met minder A-lys akteurs. Desnieteenstaande steeds redelike vermaak vir 'n pap Vrydagaand. Saam met Bella op die bank by Braeside House? (iewers wel in dieselfde vakansie). 

  

Christopher Robin - 7/10

Christopher Robin is getrou aan die nimlike karaktertjies se verhaal, met 'n uitstaande rolverdeling. Beslis die moeite werd as mens die verhaaltjies oor en oor vir jou kinders gelees het... Ideale Kers vermaak. Saam met Bella op die stoele by Skilpadvlei.

The Sisters Brothers - 4/10

The Sisters Brothers lyk veral belowend as gevolg van die sterk rolverdeling maar stel teleur met die heelwat minder sterk lyn, lae karakterontwikkeling, geen beloofde humor (al is die swart of awaregs) en afwesige tong-in-die-kies dryf met die spot. Ons het nie eens die hele fliek klaar gekyk nie, halfpad moed opgegee, Saam met Bella op die Bank by Skilpadvlei. 

Dog Days - 6/10

Dog Days is baie lig, maar baie snaaks. Kyk dit net as jy nie 'n katpersoon is nie, en baie van hondematers hou. Ek het gehoop Lisa gaan meer aandag aan die skerm gee, maar nou ja.... Saam met Bella op die Bank.

Fahrenheit 451 - 5/10

Fahrenheit 451 lewer seker sterk kommentaar op realiteits televisie sowel as lees en boeke. Maar dit is asof die karakters en die storie hulself net te ernstig opneem. Dalk te dramaties by tye, wat eintlik so bietjie hierdie swaarder tema 'n onreg aandoen. Saam met Bella op die Bank.

A Simple Favor - 4/10

A Simple Favor is maar net simpel, voorspelbaar en regtig saai. Dit probeer te hard om slim, gesofistikeerd en sexy te wees. Dit werk nie ten spyte van 'n redelike rolverdeling. Dit klassifiseer seker as 'n riller tjiekfliek? Saam met Bella op die bank. 

Puzzle - 7/10

Puzzle is 'n stadige kunsfliek tot oorlopens van onderliggende passiewe aggressie emosies. Eintlik is die legkaarte net 'n bysaak of dalk antitese van die eksterne en interne behoeftes van 'n ongewardeerde huisma (houdster?). Kyk as jy sterk voel. Saam met Bella op die bank.

First Man - 7/10

First Man laat mens besef die eerste ruimtereise was nie vir sussies nie. Anders as wat die gewone Hollywood stapel mens laat glo, het alles nie glad en maklik afgeloop nie. Ontberings, erge ongemak en onsekerheid was aan die dag. As jy beplan vir Mars toere, kyk dalk eers hierdie... Saam met Bella op die bank.
  

The House with a Clock in Its Walls - 5/10

Daar was lanklaas 'n fliek met so lang titel as The House with a Clock in Its Walls. Dit doen die repitasie tot 'n mate gestand met redelike humor, redelike fantasie, en 'n goeie rolverdeling. Maar die film bly redelik en volg net te veel gewone stappe, meganisties. Nie my gunsteling nie. Saam met Bella Franko en Anrich op die bank.

Bohemian Rhapsody - 9/10

Bohemian Rhapsody laat jou voete woel, vingers tik en saam sing in die teater. Die hoofrol kon nie beter vertolk gewees het nie - selfs nie oorlede Freddie sou dit so goed kon nadoen nie. Verskeie vollengte snitte maak hierdie absoluut die moeite werd om te gaan kyk in 'n teater. Saam met Bella by Capitol Cinema.

Venom - 6/10

Venom is uitstekend vervaardig met 'n kragtoer rolverdeling, maar die monsters pas nie by hulle persoonlikhede nie! Daar is meer as genoeg humor in die film om dit meer as kykbaar te maak. Dit is ook nie so gru as wat mens sou verwag nie. Dis nou behalwe vir die kop-af-byt en opvreet per geleentheid... Ook van die laaste Stan Lee kameerolle. FOOD! (dalk is die monsters net eintlik tieners!?). Saam met Bella, Franko en Anrich op die Bank.

Dead in a Week (Or Your Money Back) - 6/10

Dead in a Week (Or Your Money Back) is 'n Britse komedie met 'n ligte donker streep. Dit is nou nie skaterlag tonele nie, maar heelwat ongemaklike, sal ek se^ grynslaggies. Alhoewel die tema ietwat absurd is, is die vertolkings perfek gepas vir die saai alledaagse bestane wat uitgebeeld word. Cliche humor word heelwat toegepas, maar sonder om so te voel. Baie ligte vermaak, perfek vir 'n Vrydagaand. Saam met Bella op die Bank.

    

A Discovery of Witches, Seisoen 1 - 4/10

Gits, nee, ten spyte van die vroulike hoofrol se potblou oe" - baie opvallend en aanvallend - is A Discovery of Witches is net te sepierig. Ek het waarskynlik te veel verwag, veral deur die vereleidende milieu, en hoe sterk dit gebruik word. Ai. Kon net 30 minute van die eerste episode uithou, Hou maar eers verby. Saam met Bella op die bank.

Outlaw / King - 6/10

Outlaw / King is dalk nie histories heeltemal korrek nie, en beslis nie getrou aan hoe die mense toentertyd gelyk het nie, maar steeds redelike vermaak. Die rolverdeling kon meer gepas gewees het. Saam met Bella op die Bank.

Crazy Rich Asians - 7/10

Crazy Rich Asians is 'n moderne, ligte, romantiese drama. Die het een van die mees kreatiefste kerk trou tonele ooit. Al kyk mens net die fliek daarvoor. Singapoer dien dan ook as 'n karakter in die film, al die stad se mensgemaakte vistas word behoorlik gebruik. Visueel is die fliek oorlaaid, amper meer as Lodewyk VII se sonkamers, kostuums en weelde. En dan voel mens maar regtig arm as jy na al die rykdom kyk. Die rolverdeling is uitstekend, en die vertolkings gepas oorspeeld. Alhoewel amper geen vloek, is daar tonele wat nou nie laerskool materiaal is nie, maar dit is min dat daar met so tipe film nie dadelik in die bed gespring word nie. Vir die genre is hierdie 'n nuwe maatstaf. Saam met Bella op die bank.

Sgt. Bilko - 4/10

Sgt. Bilko is tipiese Amerikaanse slapstick. Kyk op eie risiko. saam met Bella op die bank. Anrich het na sowat 20 minute moed opgegee.

Kidding, Seisoen 1 - 5/10

Kidding is oor mense se probleme. Die verskil is, dit lyk of dit al is waaroor hierdie reeks gaan. Daar is nie 'n ander lyn wat mens se aandag probeer hou nie, net probleme, swaarkry en depressie. Onseker of ek dit verder wil kyk, maar Bella se^ beslis nee... Die rolverdeling is nogals gepas, maar die vertolkings voel ongemaklik realisties. Saam met Bella op die Bank. 

Future Man, Seisoen 1 - 5/10

Future Man lyk belowend, maar wees gewaarsku, redelike bar onder die belt humor en vloek. Dit is 'n kort reeks en van die humoristiese oomblikke bly mens nogals by. Sal dit nog kans gee. Mens wil nogals sien hoe die nikswerd hoofkarakter wel die mensdom op die ou einde red... Maar dan met episode 2 en 3 besef mens die bar raak vinnig oud, en daar is nie veel aan die lyn nie.... Saam met Bella op die Bank. 

Maniac, Seisoen 1 - 4/10

Maniac se loodsepisode het genoeg trekkrag om Episode 2 te oorweeg. Mens verwag dit sal dan verder ontwikkel omdat baie posisionering in die 1ste gedoen word. Tipiese aweregse komedie. Die tweede episode het net glad nie sin gemaak of gewerk nie. Nee wat! Saam met Bella op die bank.

King Lear - 7/10

King Lear is 'n moderne weergawe, maar dan ook net vir die milieu, stel, kostuumwerk en periode. Die taal is vol Willem Wikkelspies Ingels, dus moet mens maar eerder die onderskrifte aanskakel om alles in te neem. Hulle praat net te vinnig om al die subtiele woorspelings te snap. Die rolverdeling is sterbelaaid, gepas, en deel van die sukses van hierdie moeiliker fliek om te kyk. Dit bly 'n tragedie, tog met tong in die kies oomblikke. Kyk gerus, maar wees gewaarsku, hierdie is nie vermaak nie en nie vir die lig in die broek fliekganger bedoel nie. Saam met Bella op die bank. 

  

Fantastic Beasts: The Crimes of Grindelwald - 6/10

Fantastic Beasts: The Crimes of Grindelwald is nie my gunsteling nie, die eerste was dalk beter. Die grafika is uitnemend, maar by tye te oorheersend. Die fokus van hierdie weergawe is beslis nie die oulike monstertjies soos in die eerste film nie, eerder die fantastieste bose magte van die antagonis. Saam met Bella en Franko en Anrich by Zambezi Mall. 

Mission: Impossible - Fallout - 5/10

Mission: Impossible - Fallout is maar net meer van dieselfde, die slag opgedis met so krakie ekstra humor by, en ietwat meer in tong-in-die-kies gevoel. Dit bly egter puik Saterdagaand springmielie vermaak. Die Parys en London stel maak dit nog meer die moeite werd. Saam met Bella en Franko op die bank, Anrich was nie belangstellend nie. 

The Meg - 4/10

The Meg is erg voorspelbaar, maar ten spyte steeds ligte vermaak vir 'n pap Vrydagaand. Ek is nie seker of hulle wil he^ mens moet skrik, bang wees of lag nie, want die film is baie tong in die kies. Saam met Bella en Franko en Anrich op die bank. Anrich het dit al vroeer in die teater saam met sy tjomme gesien.

Condor (2018), Minireeks - 6/10

Condor lyk nie te sleg nie, ten minste is dit 'n korter reeks. Soortgelyk aan iets soos Jack Ryan. Saam met Bella op die bank.

The Fitzroy - 6/10

The Fitzroy is baie lig, heeltemal van-die-kop af, met 'n sterk teater gevoel. Die kamerawerk moes nogals uitdagend gewees het in die knap spasies. Die rolverdeling is gepas, die humor en tydsberekening goed. Min mense sal hierdie waardeur. Saam met Bella op die bank.

Burke and Hare - 4/10

Burke and Hare het groot afwagting geskep met die periode, milieu en rolverdeling, maar nogals gefaal as komiese drama. Dit het al die bestandele, maar die broodjie het nie gerys nie. Ai. Saam met Bella op die bank.

Alpha - 4/10

Alpha is eintlik nogals swak, die milieu en kostuumwerk pas glad nie by die stemwerk, wat skynbaar met moeite ontwikkel is, nie. Die spanningslyn is pap, sonder fut, en die hele petalje lank, stadig en uitgerek. Lang tonele sonder enige bydrae. Saam met Bella op die bank. 

 

Juliet, Naked - 6/10

Juliet, Naked is 'n baie ligte tjiek fliekie, dalk nie helemal gepas vir die manlike gehoor nie. Dit kyk nie te sleg nie, en het voldoende komiese elemente. Dit is dan die rolverdeling wat die film red en kykbaar maak vir 'n wyer gehoor. Saam met Bella op die bank.

Camping, Seisoen 1 - 4/10

Die eerste episode van Camping was nir te sleg nie, kon doen met meer humor. Die tweede episode was net eenvoudig flou, so die res lyk nie die moeite werd nie. Dit lyk ook erg ekonomies vervaardigd. Dit ten spyte van 'n redelike rolverdeling. Saam met Bella op die bank. 

Terminal - 3/10

Ten spyte van 'n aantreklike en sterbelaaide rolverdeling, faal Terminal klaaglik. Dalk is dit die irriterende verteller, of dalk net die gebrek aan 'n oortuigende storielyn. In elk geval, kon net sowat die eerste derde uithou. Bella het sommer van die begin af handoek ingegooi. 

King Arthur: Legend of the Sword - 5/10

King Arthur: Legend of the Sword het ons destyds gesien toe dit beskikbaar geraak het. Weet nie hoekom die resensensie verlore geraak het nie.... Nietemin, dit het nie die beste indruk gelaat nie. was te veel fantasie en te min storie. Saam met Bella (en die res?) op die bank.

The Kindergarten Teacher - 6/10

The Kindergarten Teacher is 'n overwagse sielkundige riller. Alhoewel 'n kort film, voel dit langer oor die gemete pas. Dit is berekenend, met 'n oomblik van waansin wat dan die lyn voltrek in 'n enkele stap. Nie daardie warm verhaal oor 'n wunderkind nie... Saam met Bella op die bank.

Loving Vincent - 8/10

Loving Vincent is uiters kreatief vervaardig, met gepaste stemwerk en lyn. Alhoewel ek dele gemis het (was baie moeg), is hierdie beslis die moeite werd en moet ek daar maar nogmaals kyk. Saam met Bella op die bank.

Manifest, Seisoen 1 - 3/10

Manifest lyk net te sepierig. Mooi mense, diep gesprekke sonder veel rigting of doelwit. Nee wat, het nie eers die eerste episode 5 minute kans gegee nie. Saam met Bella op die bank.

The Clapper - 6/10

The Clapper is uiteindelik 'n klasles in realiteits kwets programme. Hoe die geblikte lag en klap bedryf werk. En dan 'n propperse tjiekfliek met 'n hopelose romantikus in die reseppie. Kykbaar, maar moet nie te veel verwag nie. Tot 'n mate 'n vreemde rolverdeling, veral met die vroulike hoofrol. Saam met Bella op die bank. 

The Romanoffs, Seisoen 1 - 3/10

The Romanoffs lyk belowend, maar dan verval dit taamlik vinnig in 'n baie oppervlakkige tydsvermorsing. Amper asof dit 'n teoretiese oefening is in reeks vervaardiging. Nee wat. Beste deel is die rolverdeling, milieu en dan die inleidende konteks vignette. Saam met Bella op die bank.

DC Titans, Seisoen 1 - 3/10

Hmmm, nee, nie lus vir die demoon tema van DC Titans nie... Het so 10 minute van die eertste episode kon maak en opgegee. Saam met Bella op die bank.

Life, Love, Lust (2010) - 6/10

Life, Love, Lust is drie aparte vignette wat elk handel oor 'n deel van die film titel. Baie gewaagde erotika (vir 2010). Het dit in Wilderness Nasionale Park gekyk tydens 'n Oktober 2020 werksreis. 

Swimming with Men - 6/10

Swimming with Men is 'n teer kykie na aanvaarding, alhoewel gebaseer op ware gebeure. 'n Baie eenvoudige en ekonomiese premisse, tog kykbaar met net genoeg komiese en pynigende tonele. Saam met Bella op die bank.

The Crossing, Seiusoen 1 - 6/10

The Crossing is 'n korter reeks, anders sou dit uitmergelend geraak het. Daar gebeur genoeg in 'n episode, en die spanningslyn tel stadig op. Dit voel te veel na iets soos Under the Dome en The Mist, maar is tog kykbaar. Ten minste werk die rolverdeling. Saam met Bella op die bank.

Ant-Man and the Wasp - 8/10

Al is Ant-Man and the Wasp baie lig, is dit propvol tonekrul aksie en taamlik onskuldige humor. Dit is sekerlik die snaakste superheld film, met so paar van die byrolle wat uitstaan in hierdie opsig. Kyk gerus as jy lus is vir gemaklike ontspanning. Saam met Bella en Anrich op die bank.

 

War Machine - 6/10

As dit nie vir ou Brad se tong-in-die-kies vertolking van Generaal Glenn McMahon was nie, sou War Machine sekerlik gefaal het. Dit is Weermag humor op sy skerpste, maar beslis met al die nodige gekruide taal daarby. Saam met Bella op die bank.

Hold the Dark - 6/10

Hold the Dark speel in 'n ongerepte wildernes af, maar wat redelik onherbergsaam is vir mense. Op 'n fisiese vlak oorleef die mense hierdie uitdagende daaglikse aanpassing ooglopend sonder moeite. Maar dit is dan op 'n psigiese vlak wat hulle nie oofleef nie. Daar is 'n skerp kontras tussen die ongerepte uiterlike, en besoedelde innerlike. Nie 'n ligte drama nie, met spannings en ril elemente Saam met Bella op die bank.
      

Norsemen, Seisoen 1 - 4/10

Norsemen is waarskynlik nie 'n slegte parodie op iets soos Vikings nie, maar soos The Orville, voel dit nie die moeite werd vir die tydsinvestering nie. Ons het nie eers die eerste episode klaar gekyk nie, dit voel net te lig in die broek. Saam met Bella en Anrich op die bank.

The First, Seisoen 1 - 8/10

The First het 'n stylvolle karakter, helder stemwerk met komplekse onderstrome. Dit is anders op 'n goeie manier, boeiend. Strange Angel kon hierdie glad nie regkry nie. Die rolverdeling, veral vir die manlike en vroulike hoofrolle is uitnemend. Die onderspeelde rol van tegnologie oor ook verfrissend - soos dit hoort - dit werk, en is prakties sonder fanfare. Wat wel pla is die rede vir die Mars missie. Skynbaar vir oor-bevolking van die planeet (Aarde). Maar meeste van al die tonele wys groot oop spasies, uiters lae digtheid!? Of dalk is almal wat aan die program werk hiper welaf? Saam met Bella op die bank.

Johnny English Strikes Again - 6/10

Johnny English Strikes Again is nie so snaaks en oortuigend as die vorige een nie. Dit is steeds vol grappe en alles, maar mens kry die gevoel Mnr Atkinson hou so bietjie terug, of wil dalk die rol verander.... In elk geval 'n lekker teater uitstappie saam met die familie na Capitol Cinemas. 

Little Italy - 5/10

Little Italy is baie lig, cliche-voorspelbaar, maar tog nie te sleg of onkykbaar nie. Tipiese tjiekfliek-stapel. Saam met Bella op die bank, 'n kou lui, Saterdagmiddag.

Zoe - 6/10

Zoe is 'n kuns-wetenskap fiksie-tjiekfliekie. Dit is ekonomies in terme van milieu, karakters, rolverdeling en draaiboek. Stadige ontwikkeling en tempo. Moet beslis nie aksie en lawaai verwag nie. Dit lewer wel sterk kommentaar op die aanvaarding van tegnologie in meer intieme kwartiere. Die vertolkings is nogals raak. Kyk dalk op eie risiko. Saam met Bella op die bank.

   

The Good Cop, Seisoen 1 - 5/10

The Good Cop bring 'n ou bekende, Tony Danza, terug in 'n parodie op die cliche polisie speurder paar. Sal dit nog kans gee, lyk nog so bietjie lig in die broek. Na nog so episode of wat besluit dit is nie die belegging werd nie. 

Vanity Fair, Seisoen 1 - 5/10

Vanity Fair lyk in teorie na 'n sterk opsie, maar verval in net te veel oppervlakkigheid. Dit is seker dan in lyn met die titel, maar self oppervlakkigheid kan diep wees. Nee wat, nie die tyd en moeite werd nie. Saam met Bella op die bank.