Jumanji: Welcome to the Jungle - 8/10

Jumanji: Welcome to the Jungle is een van die beste voorbeelde van die genre. Dit kyk lekkerlag lekker, met gesoute akteurs wat absoluut die fliek maak. Genoeg snaakse tonele, baie snaakse dialoog, net die regte mengsel fisiese humor. Waarskynlik Jack Black se beste vertoning ooit, al hou ek nie van hom nie. Die balans van hierdie fliekie is net reg. Saam met Anrich en Bella by Zambezi Mall. O, en dan was daar 'n redelike haelstorm, soveel so, hulle het die fliek gestop want mens kon niks hoor nie. Franko is in Mosselbaai, kuier by Michelle. 

  

The Deep Blue Sea - 5/10

The Deep Blue Sea is pynlik stadig, met pynliker stadige kamera skote, stadige dialoog, inteendeel niks vir die eerste tien minute nie. Sou dalk in 'n kunsfliekteater werk, maar nie op die bank nie. Die film poog om emosionele innnerlikes bloot te stel, maar dalk faal die akteurs om dit suksesvol voort te bring. Dit is wel 'n goeie rolverdeling. Het na so derde van die fliek moed opgegee. Saam met Bella op die bank.

  

The Man with the Iron Heart - 6/10

The Man with the Iron Heart is rondom dieselfde gebeurtenis as Anthropoid, behalwe dat dit eerder aan die begin van die fliek meer van Reinhard Heydrich vertel as die tweeman span wat uiteindelik suksesvol was in hul sluipmoord aanval op hom. Net soos Anthropoid, is hierdie weergawe ontstellend grim, veral om Hitler se vergeldings aksies - die slagting van  Lidice word telkemale in flitse herhaal. Dit bly 'n goeie fliek, mens leer tog iets van die Geskiedenis. Saam met Bella op die bank.

Brad's Status - 6/10

Brad's Status is 'n onverwagse Hollywood fliekie. Dit is stadig, met komiese elemente, en meesal 'n innerlike drama rondom 'n gewone middeljare krisis. En glad nie soos die Hollywood cliche voorskryf nie, is daar nie uitspattige vergrypings of bostuklose motors - of meisies - nie. Nee, selfs die einde breek met getroue Hollywood tradisie, tot groot verbasing, veral met die slottoneel. Die vertolkings is beter as gewoon, met 'n raak rolverdeling. Waarskynlik Mnr Stiller se beste vertolking vir 'n drama nog. Saam met Bella op die bank. Anrich het so kwartpad opgegee. 

Whisky Galore - 7/10

Daar is min fliekies soos Whisky Galore, 'n ligte, prettige kykie na 'n klein gemeenskappie wat eintlik maar onbewus is van al die groot gebeure rondom hulle. Die eilandjie lyk soos 'n stukkie hemel op aarde. Ek moet hier gaan bly. Die storie is eenvoudig, die karakters - en akteurs - onpretensieus. Beslis die kyk werd. Saam met Ma Elsa en Anrich en Bella op die bank. O, en wanneer is dit Whiskey of Whisky? Die Skotte drink whisky en die Iere whiskey, sowel as die Amerikaners. 

Bull, Seisoen 1 - 7/10

Bull se eerste episode is nie erg indrukwekkend nie, maar omdat elke episode 'n saak is, en die intriges minder lyk, veral die wat oor verskillende episodes strek, sal ons hierdie nog 'n paar kyke kans gee. Herinner sterk aan 'n kombinasie van The Mentalist en Lie to Me. Saam met Bella op die bank. 

The Good Doctor, Seisoen 1 - 6/10

The Good Doctor lyk nie te sleg nie, maar dit voel net te sentimenteel, en ruik na te veel poersoonlike intriges. Die eerste episode is redelik, maar mens voel nie om die tyd belegging te maak nie. Sal eerder los, saam met Bella op die bank.

The Marvelous Mrs. Maisel, Seisoen 1 - 7/10

The Marvelous Mrs. Maisel is 'n kort reeksie, periode getrou, en nogals pretterig. Dit bevat baie praat, baie vinnig...wees gewaarsku...mens moet mooi oplet om al die humor te onderskep. Die hoofkarakter is beslis nie op haar bek geval nie. Saam met Bella op die bank.

Dunkirk - 8/10

Sjoe, Dunkirk is een van daai flieks wat mens nogals bybly. Sterk karakter en dialoog ekonomie, maar met baie wat uitgebeeld word... Die grimmigheid van oorlog word hier baie sterk vertoon, maar nie met die gewone bloed-en-maag tonele nie, eerder met onderspeelde onderstrominge en stemmings. Buitengewone vertolkings, buitengewone kamerawerk, eentonige, grim kleurskakerings, 'n film voorbeeld. Saam met Bella op die bank, Franko het dit saamgekyk en verstaan, Anrich kon nie die depressiewiteit, sinloosheid en redeloosheid verdra nie. Hy het so kwartpad gekyk,   

Godless, Minireeks - 8/10

Nou hier het mens 'n periode drama met 'n oortuigende premis en beslis karakters, en akteurs, wat hulle werk goed doen. Godless is 'n droe" Western met skop en skiet en rowwe manne (en vrouens). Iets anders vir 'n slag. Saam met Bella op die bank.

Knightfall, Seisoen 1 - 4/10

Ek en Bella is groot bokke vir 'n sappige periode drama, maar soos APB, voldoen Knightfall nie aan die basiese vereistes nie. Die premis is daar, maar die karakters lyk oppervlakkig en aansitterig. Die vertolkings is nie oortuigend nie... Kon nie eers deur die eerste episode kom nie..... Saam met Bella op die bank.

APB, Seisoen 1 - 5/10

Die kuns met reekse soos APB is nie 'n sterbelaaide of bekende rolverdeling nie, maar ten minste 'n oortuigende premis, en dan 'n paar karakters waarvan mens hou of mee identifiseer. APB het ongelukkig nie karakters of akteurs waarin mens tyd wil bele nie. Kon beswaarlik die eerste episode deurkyk. Saam met Bella op die bank.

Victoria and Abdul - 6/10

Victoria and Abdul laat mens wonder hoeveel kreatiewe interpretasie op die ware gebeure geneem is. Die gebeure is redelik geloofwaardig, en daar is sekerlik 'n mate van oordrywing, maar mens kan jouself net indink hoe die stywe bo-lip Britte hierdie petalje probeer hanteer het. Uitstekende vertolkings, soos te verwagte met die rolverdeling. Redelik ligte materiaal, maar beslis nie vir 'n Vrydagaand gepas nie. Saam met Bella op die bank.

Marvel's RunAways, Seisoen 1 - 4/10

Marvel's RunAways voel heeltemal te veel soos 'n sepie. Mens vind nie aanklank by enige van die karakters of akteurs nie. Dit begin ook maar bietjie flouerig. Kon net 2 episodes maak. Saam met Bella op die bank.

The Dark Tower - 6/10

The Dark Tower speel goed teen sleg af, maar as 'n innerlike oorlog, as 'n alternatiewe werklikheid metafoor. Dit kyk nie sleg nie, maar die fliekie is gou vergete. Redelike rolverdeling en vertolkings. Saam met die familie op die bank.

Kingsman: The Golden Circle - 7/10

Kingsman: The Golden Circle is nogals verasend beter as die eerste een. Dit bly net vreemd dat hulle so erg fokus op 'n spesifieke vloekwoord. O, en wees voorbereid op die baie kort, maar impakvolle biologielessie... 'n Paar baie koel toele, meer humor en netjiese strepiespakke. Saam met die familie op die bank. Beide Franko en Anrich het dit reeds in die teater ook gesien. 

Tut, Minireeks - 6/10

Tut is 'n kort minireeks, maar met allemintige lang eposides. Hulle kon dit dalk maar eerder ses as drie episodes gemaak het. Veral ook omdat dit net te dramaties-stadig gepas word. Daar is redelik aksie, maar van die tonele is net te gerek. En ek is redelik oortuig die oor-gechoreografeerde sekstonele maak dit steeds nie meer toeganklik vir 'n wyer gehoor nie. En ja, die Egiptenare het vreemde idees oor skoon bloedlyne gehad... Ten minste is die rolverdeling redelik demografies oortuigend. Saam met Bella op die bank. 

 

Gunpowder, Minireeks - 7/10

Gunpowder vertel meer oor iets wat mens as kind as term leer, Guy Fawkes. Hierdie minireeks met net drie episodes het nogals 'n paar erge martel tonele. Die Britte het maar ook 'n donker geskiedenis. Die reeks is voorbeeld periode drama materiaal. Moet nie 'n romantiese, almal leef gelukkig vir ewig einde verwag nie, jy ken mos die storie.... Saam met Bella op die bank.

Tulip Fever - 7/10

Tulip Fever lyk aanvanklik swaar drama, maar dan neig dit meer na 'n romantiese, ligte drama. Ten minste leer mens van die eerste dot-kom borrel wat gebars het, grotendeels oor mooi tulpe. Neig ook na 'n tragie-komedie.... Gepaste rolverdeling met tipies Amerikaanse vertolking van Hollandse gedrag. Kyk gerus, maar meer gemik op die connoisseur fliekganger. Saam met Bella op die bank. 

Logan Lucky - 7/10

Logan Lucky is ligte, Vrydagaand vermaak. 'n Paar skreeusnaakse tonele, en 'n algemene ontspanne lyn. 'n Verassende rolverdeling wat uitstekend werk. Kyk hierdie as jy moet ontspan na die taai week, hierdie spannetjie se mannewales is net die regte doepa. Saam met Bella en Anrich op die bank.  

Valerian and the City of a Thousand Planets - 6/10

Valerian and the City of a Thousand Planets is indrukwekkende grafika, met minder storie om die lyf. Dit kyk heel goed, alhoewel ek redelik pootuit was en hier-en-daar 'n stukkie gemis het.... Daar is heelwat interessante konsepte, veral die miljoen winkel kompleks. Die hoofrol vertolkings is nie heeltemal oortuigend nie, dit kort bietjie energie. Geniet gerus op 'n Saterdagaand. Saam met die familie op die bank. 

Genius (2016) - 6/10

Genius lyk baie goed, veral vir die tipe fliek, maar ek kon net nie my oe" oop hou nie. Het halfpad die stryd opgese^. Bella het dit klaar gekyk. Tom Wolfe word uitgebeeld as 'n suiwer emosionele, impulsiewe, oormatige, melodramatiese karakter, amper dronk-mal. As hy wel so was, was die wereld vir hom een groot emosie. Die rolverdeling en vertolkings is seker gepas, met 'n algemene gevoel dat skrywers van hierdie era almal bietjie 'n varkie dalk mis,,,, 

  

Thor: Ragnarok - 6/10

Thor: Ragnarok is nogals komies en heel lig, maar met konstante geveg tonele. Dit is sekerlik Hulk se grootste praatrol ooit. Soos Bella ook noem, die Maleficent-tipe vroulike antagoniste raak so ietwat geyk. Egter 'n perfekte Saterdagaand fliekie met springmielies. Ons gesin by die dooie Zambezi mall, Capitol Cinemas.  

The Infiltrator - 6/10

The Infiltrator is minder wreed as wat ek verwag het, maar tog steeds so. Het dit in paaimente gekyk, meesal alleen. Die rolverdeling en milieu is gepas, die vertolkings uitstekend. Moet dit nog klaar kyk. 

Ali and Nino - 8/10

Ali and Nino is 'n stroopsoet liefdesverhaal ten tyde van Azerbeidjan se eerste pogings vir onafhanklikheid van Sowjet-Rusland besetting gedurende die 1920's. Die milieu is kleur-ryk en romanties, ten minste tot voor die eerste struwelinge. Die skerp kontras tussen Bakoe en lewe in die berge maak dit moeilik om te besluit wat uiteindelik 'n beter keuse sou wees, 'n lewe van eenvoud en geluk, of 'n lewe van teensetting en soeke na soewereiniteit? In ieder geval, verwag 'n tragiese einde, of gaan lees dit sommer op. Sulke diamante soos hierdie is goed versteek in die hoofstroom pulp geraas, en dan leer mens nog sommer bietjie geskiedenis op die koop toe. Saam met Bella op die bank.

Doctor Who, 2005 Seisoen - 6/10

Doctor Who lyk heel interessant, en hierdie seisoen reeks beter as 'n ander een wat ek 'n stukkie van 'n episode gesien het op EK768. Het dit nog nie begin volg nie, sal 'n plan maak om saam met Anrich dit dalk te kyk. 

Dracula, Seisoen 1 - 5/10

Dracula lyk of dit potensiaal het, maar dan stel die loodsepisode ietwat teleur, en as mens na die opvolgende episodebeskrywings kyk, lyk dit nie of dit gaan beter raak nie. Sal dalk nie tyd in hierdie opsie bele nie. Saam met Bella op die bank.

Fifty Shades Darker - 2/10

Fifty Shades Darker is beslis tydmors, dit werk net nie. Te stadig, powere rolverdeling, swak vertolkings, en glad nie eroties nie. Lagwekkende situasies waar dit nie moet wees nie... Vermy beslis, strengste op eie risiko. Saam met Bella op die bank.

Strike: The Cuckoo's Calling, Seisoen 1 - 7/10

Strike: The Cuckoo's Calling is 'n ordentlike wie't-dit-gedoen. Gepaste rolverdeling, oortuigende vertolkings. Raak-raak so aan noir (die kantoor, nie die vertelstyl nie). Kyk gerus, hierdie is Brits, so meer onderspeeld. Dit is 'n herhalende minireeks. Saam met Bella op die bank.

Vir die Voels - 6/10

Vir die Voels is 'n redelike Afrikaanse drama-romanse. Dit is goed vervaardig, periode korrek, en glad nie te soetsappig nie. Alhoewel dit lig voorkom, is dit so bietjie aan die swaar kant, maar met genoeg humor of ligte oomblikke om dit nie swaarmoedig te laat voel nie. Kyk gerus, jy sal aangenaam verras wees. Het hierdie een op DVD moes kyk, iets wat ons jare laas gedoen het. Moes op die ou einde by Mr Video Wonderboom-Suid gaan huur. Daar is nie meer video winkels nie.... Saam met Bella op die bank. 

Viceroy's House - 5/10

Viceroy's House voel baie soos 'n dokumenter met twee hoofrolle wat sukkel om uit hulle suksesse te ontsnap. Lord Grantham, bly maar Lord Grantham, en Scully sukkel om geloofwaardig te wees. Ek het groot stukke geslaap, so kan nie regtig se^ ek het die fliek behoorlik gekyk nie. Saam met Bella op die bank. Gaap. 

House of Cards, Seisoen 1 - 5/10

House of Cards is waarskynlik fantiesties goed, maar dit lyk vir my net te uitputtend om te kyk. Hou eers verby. Op EK768 vir werk na Dubai.

Alien: Covenant - 6/10

Alien: Covenant het my ietwat onkant betrap, ek het dit heelwat meer geniet as wat ek gedink het ek gaan. Dit is nie te grim nie, maar met 'n dodelike einde. Nogals 'n spannende lyn, nie oor die monsters nie, eerder oor die toekoms en ander goeters. Op EK768 vir werk na Dubai.

Mad Men, Seisoen 1 - 6/10

Mad Men stel bar chauvinisme hier aan die kaak, soveel so dat dit 'n moderne een nogals kriewelig sal laat voel. So-ook met die blatante breinspoel van die massas, aanvanklik gefokus op die verleiding van dampies slaan. Het die eerste opisode op EK768 gekyk, en dadelik Bella laat weet ons moet die res kyk. Was nogals teleurgestel dat daar al sewe seisoene is! Ek vermoed dit word dan sepierig, sal nog stees dalk net die eerste seisoen kyk.

SS-GB, Seisoen 1 - 7/10

SS-GB herinner sterk aan The Man in the High Castle , maar hierdie interpretasie voel so aks donkerder. Kragtige vertolkings, veral die manlike hoofrol, met 'n gepaste antagonis. Het die eerste episode op EK768 gesien en dadelik Bella laat weet ons moet beslis hierdie kyk. Alternatiewe uitkomste vir historiese gebeure, as dit periode-korrek is, is 'n aangename ontsnapping van die gewone stapel. 

Sully - 6/10

Al weet mens eintlik hoe Sully verloop het in realiteit, bly die film nogals spannend. Dit is gepas vervaardig, met net so 'n rolverdeling. En dit bly 'n wonder dat almal dit oorleef het - iets wat die film in slaag om te bevestig. Saam met Bella op die bank. 

The Gifted, Seisoen 1 - 4/10

The Gifted se eerste paar minute laat mens besluit, hierdie is dalk nie so sleg nie, en dan aan die einde van die eerste episode maak mens vinnig die besluit, net nog gewone pulp, nie die tyd of energie werd nie. Dit raak baie vinnig hiper-generies. Saam met Bella op die bank.

Inhumans, Seisoen 1 - 4/10

Neewat, Inhumans is so bietjie lagwekkend simpel. Hou verby. Mens voel glad nie tot enige van die karakters aangetrokke nie, die belegging in tyd is nie die moeite werd nie. Saam met die familie op die bank, alhoewel Franko nie eers wou probeer nie. 

War for the Planet of the Apes - 6/10

War for the Planet of the Apes beweeg nogals baie stadig, en spreek sterk eksistensiele elemente aan. Soveel so, beide Anrich en Franko het tou opgegooi na 'n kort rukkie. Die grafika is waarskynlik die nuwe industrie standaard, so perfek lyk dit. Dit kyk 'n bietjie moeiliker oor die stadige dialoog, maar dan, ten einde, voel mens nie ingedoen nie. Dit gebeur min, maar hierdie uitgawe verbeter op die eerstes. Saam met Bella op die bank.  

Spider-Man: Homecoming - 8/10

Spider-Man: Homecoming is regtig 'n verfrissende poging tot die superheld genre. Dit voel of iemand die gewone, tipiese tienerreaksie tot so 'n toestand gebruik het as leiding. Die humor en heelwat minder uitgerekte, sinlose gevegstonele, laat 'n genotvolle nasmaak in die mond. Dee fliek kyk lekker, selfs vir Anrich en Franko ook. Die enisgte krietiek tot die film is dat Tante May heeltemal te seksie vir haar rol is, dit moet mos 'n ou tannetjie wees!? En dit is glad nie donker nie, selfs kleineres sal dit kan geniet. Die stukke met Mnr Stark werk ook baie goed. Saam met die familie op die bank.

  

Atypical, Seisoen 1 - 7/10

Atypical herinner sterk aan Speechless. Mens vind byval met die karakters, en wil sien waarnatoe die storie beweeg. Daar is nog 'n nuwe reeks rondom 'n briljante Dokter met die selfde tipe tema, maar gaan dit nie probeer nie. Saam met Bella op die bank. 

Bywerking 12 Oktober 2021 Het die punt van ses na sewe hersien. Atypical het afgehandel maar is een van die min reekse wat nou 'n gaping laat in mens se gereelde kykmateriaal. Die vertolkings is uitnemend, veral die hoofrol.  

Young Sheldon, Seisoen 1 - 6/10

Young Sheldon is redelik, maar nie naastenby so goed as die hoofreeks nie. Sal dit nog kans gee, maar dan moet dit ietwat optel. Saam met die familie op die bank, alhoewel ek dink beide Franko en Anrich gaan dit nie verder kyk nie.

Original Sin - 5/10

Original Sin moes eintlik Original Sins gewees het, want die fliekie spreek wellus en hebsug aan.... Hierdie is beslis ook toe Angelina en Antonio nog jonk was - dit is 'n 2001 film. Kyk heel gemaklik, maar moet nie te veel verwag nie. Saam met Bella op die bank

The Last Post, Minireeks - 6/10

The Last Post is 'n kort reeks en lyk interessant genoeg om deur te volg. Dit is boonop in Suid Afrika verfilm, so mens herken heelwat van die plekke, veral Simonstad. Saam met Bella op die bank.

Churchill - 7/10

Churchill is eintlik meer 'n kragtoer vir die hoofrol verdeling. Die ou man was maar moeilik, en het sekerlik hedendaagse geskiedenis eiehandig bepaal. Mens leer iets onverwags - ons eie Gen Jan Smuts se invloed en verhoudig met die Engelse Bulhond. Ook dat Churchill se vrou van staal, of dalk eerder titanium - gemaak was. Kyk gerus as hierdie geskiedenis jou interesseer, anders gaan jy heelwat gaap en slaap. Saam met Bella op die bank.

Baby Driver - 7/10

Baby Driver is die mees kreatiefste wegkom-kar-fliek nog. Dit het 'n sterk Tagtigs gevoel met so sprinkel Tarantino daarby. Die rolverdeling werk veral goed, veral met die vroulike hoofrol. Saam met die familie op die bank.

Killing Gunther - 2/10

Killing Gunther herinner aan die aksioom dat komediante nie moet flieks maak nie... Hierdie is eintlik erg pateties, maar vir een of ander vreemde rede kyk mens dit klaar. Daar is net nie genoeg humor nie. Selfs Arnie red nie die fliek nie. Saam met die familie op die bank.

Maudie - 7/10

Maudie is 'n stadige, bittersoet liefdesdrama, gebaseer op ware gebeure (en persone). Dit bevestig mens het eintlik baie min nodig om gelukkig te wees... Die film kyk nogals moeilik, maar as mens die moeite doen om dit klaar te kyk, voel dit of jy iets bereik het. Minder van die manne sal hierdie een kan deurvoer. Saam met Bella op die bank.

Star Trek: Discovery, Seisoen 1 - 6/10

Star Trek: Discovery lyk en voel nie heeltemal soos Star Trek nie.... The Orville is meer Star Trek, net met humor en stoute dialoog by. Sal dit nog kans gee, maar die baie Klingon gepraat in die eerste twee episodes is ontmoedigend. Saam met Bella op die bank. Anrich sien nie kans nie, nie na die eerste episode nie, en Franko is nie 'n Trekkie nie. 

Breathe In - 5/10

Breathe In is nogals pynlik stadig sonder enige aksie. Die musiek is mooi. Dit eindig baie stomp en sonder resolusie. Minder vir die manne bedoel. Saam met Bella op die bank.