The Grand Tour, Seisoen 1, Realiteit Televisie - 7/10

The Grand Tour is beslis nie Top Gear nie, maar het darem die drie petrolkop-malles wat baie

vermaaklik, maar ook regtig simpel, kan wees. Meeste van die Top Gear elemente is behoue, maar daar is 'n paar probleme met die nuwe skepping:

1. Daar is nie The Stig nie - Die Amerikaner ("The American") werk net nie.
2. Die standaard renbaan ("Our Race Track") is maar net nie dieselfde nie.
3. Ek mis die "Our reasonably priced car" insetsel, alhoewel nie soveel die "bekendes" wat genooi word nie. Die nuwe truuk om almal af te maai voor hulle kan praat is eintlik 'n goeie oplossing vir die sinlose gedrommel van van die gaste. 
4. Die "opgradering" van die grafika pas nie by die tipe gekskeer gevoel van die reeks nie.

Maar sal dit aanhou kyk, hulle laat mens steeds lag, en op hulle vyfjarige, ligsinnige manier ingelig hou oor motors en motor sake. Saam met die familie op die bank.

The Accountant - 6/10

The Accountant is verassend anders as wat mens verwag vanaf die lokprent. Dit is nie ligte vermaak nie, maar ook nie te swaar drama nie. 'n Vermenging van elemente, wat in die geval redelik goed werk.  Lekker vakansie of Saterdagaand vermaak. Saam met Bella en Franko op die bank.

Mars, Seisoen 1 - 8/10

Mars is 'n gedramatiseerde dokumenter wat nogals heel spannend is. Die vermenging van drama en feit is soms nogals moeilik om te onderskei, behalwe as hulle darem uithelp deur die datums te flits, 2016 en 2033. Kyk beslis as jy sterre in die oe" het. Saam met Anrich op die bank.

 

The OA, Seisoen 1 - 7/10

The OA begin nogals met 'n sterk swanger afwagting, soveel so, mens wil die hele reeks in een slag kyk. Puik vertolkings, en 'n kwaliteit vervaardiging. Beslis nie ligte materiaal nie, selfde gevoel as The Killing met 'n donker onheilspellende spanningslyn wat voortdurend opbou. Saam met Bella op die bank.

The Boss - 3/10

The Boss is maar erg flou, maar kry dit reg om mens te flous, al die pad totdat die fliek klaar is. Mens wag hoopvol dit gaan beter raak, en dalk heel kykbaar uitdraai, maar heelaas nie. Eintlik maar tydmors. Het hierdie een probeer na 'n ander poging, Don't Think Twice. En dan maak so simpel fliek soos hierdie heelwat geld!? Mev Melissa McCarthy het ook nou haar plekkie op my lys van akteurs om te vermy verdien. Die punt kon nog laer wees, maar daar was darem 'n snaakse toneel of twee wat my laat grim het. Saam met Bella op die bank. 

Don't Think Twice - 0/10

Don't Think Twice lyk soos 'n eksperimentele kunsfliek. Dit kry baie hoe" aanprysings van kritici, maar is beslis onkykbaar. Het so 10, 15 minute kon uithou en na iets anders oorgeskakel. Saam met Bella op die bank.

Rogue One: A Star Wars Story - 6/10

Rogue One: A Star Wars Story is pure Star Wars, wat dit op die ou einde minder vermaak maak. Ek het dus meer van Star Wars: The Force Awakens gehou, veral oor die meer, beter humor en skerp verwysings en insluit van oorspronklike akteurs. Rogue One se grafika is uitstaande, en daar is 'n paar snaakse en baie koel tonele. Die rolverdeling is beslis nie optimaal nie, en die protoganis is maar 'n flou skurkie. Moet se^ die taalgebruik is suiwer en van gehalte in hierdie fliekie, maar dan is dit seker maar so in al die ander Star Wars flieks. Saam met Bella, Franko en Anrich by Brooklyn teater, met 'n vinnige pizza by Cappucinos.

Only Lovers Left Alive - 4/10

Only Lovers Left Alive is verskriklik stadig, gestilleerd maar met 'n interessante konsep en heelwat verlore potensiaal. Die klankbaan is vreemd aantreklik en die milieu en ondertone perfek. Selfs die rolverdeling en vertolkings is puik. Alles is puik, behalwe die tempo en die dun storielyn. 'n Kunskring vampierfliek eksperiment. Beslis op eie risiko. Saam met Bella op die bank.

Miss Peregrine's Home for Peculiar Children - 5/10

Ek het aanvanklik nie Miss Peregrine's Home for Peculiar Children wou kyk nie, het dit baie vinnig gespoedkyk en daarteen besluit. Het heelwat later dit egter weer probeer en deurgekyk. Dit is redelik, steeds nie ten volle oortuig ek wou dit wel kyk nie. Ten minste 'n redelike storielyn en gepaste grafika kwaliteit. Saam met Bella op die bank.

Let's Kill Ward's Wife - 2/10

Let's Kill Ward's Wife is swart humor, maar ongelukkig nie op sy beste nie. Het so 20 minute kon volhou, gestop, en eers na 'n ander fliek, hierdie klaar gespoedkyk. Dit het 'n element wat mens laat wonder wat gaan gebeur, maar vir een of ander rede hou die karakterts, akteurs, vertolkings, storielyn, humor of milieu mens nie geboei nie. Nie aan te beveel nie. Saam met Bella op die bank.

The Hollars - 5/10

The Hollars is nie 'n te swaar drama nie, met so ietwat komedie daarby. Die fliek fokus meer op ryk emosionele interaksies as enige iets anders. Dit is meer tjiekfliek materiaal hierdie. So bietjie cliche-erig. Saam met Bella op die bank.

Anthropoid - 7/10

Net toe ek begin dink Anthropoid is darem nie so grim Tweede Wereld oorlog fliek nie, draai die lyn en is dit in volle glorie in jou gesig, martel, dood en sinloosheid. Wat ek wel van 'n fliek waardeer, veral soos hierdie een, is wanneer mens iets leer. Uitstekende vertolkings, puik periode stuk. As jy sterk voel. Saam met Bella op die bank.

Absolutely Fabulous: The Movie - 3/10

Absolutely Fabulous: The Movie is eintlik net 'n klomp gemors, maar dit het tog 'n paar baie snaakse tonele. Vreemde ding is ek vermoed daar is meer mense wat wel so lewe as wat mens verwag. Dit het seker 'n element van 'n lewensles of twee na die einde se kant. En dit bly indrukwekkend dat Joanna Lumley al oor die Sewentig is, ten spyte van die werkies wat sy laat doen het. Ten minste is sy nog fiks en sien kans vir baie. Beslis op eie risiko. Saam met Bella op die bank.

High Strung - 6/10

High Strung is 'n makker dansfliek as die Step Up reeks, met mooi musiek en goeie kunstenaars. 'n Baie eenvoudige lyn, met 'n indrukwekkende finale dans sekwens. Geskik vir die familie. Saam met Bella op die bank. Anrich het dit voorheen gesien, ons daarvan vertel. 

  

Doctor Thorne, Seisoen 1 - 5/10

Gelukkig is Doctor Thorne net 3 episodes lank, bietjie te soet na my smaak. Selfde skepper as Downton Abbey, maar nie met dieselfde sterk rolverdeling nie, en minder intererssante intriges. Wel 'n mooi periode milieu, stelinkleding en kostuumwerk.

 

Already Tomorrow in Hong Kong - 5/10

Already Tomorrow in Hong Kong is 'n praat fliekie met die altyd-wakker wereldstad as hoofkarakter. Die stad lyk verleidelik in al sy fasette, meer ideaal as deurmekaar liefdeslewens. Meer georden as emosies. Die fliekie stel 'n danspassie tussen twee willekuerige emosionele behoeftiges voor. Foeitog, hoekom moet hulle so swaarkry met sulke moeilike keuses. Saam met Bella op die bank.

Storks - 4/10

Storks is uitsluitlik kortvolk materiaal, ek het so halfpad die aftog geblaas. Saam met Bella en Anrich op die bank (hulle het klaar gekyk). 

Inferno - 4/10

Inferno is redelike ontsnappings materiaal met 'n baie dun storielyn. Baie eenvoudige spanningslyn, so verwag breinlose vermaak vir 'n moee" Vrydagaand. Saam met Bella op die bank.

The Young Pope, Seisoen 1 - 5/10

The Young Pope is modern-vreemd. Beslis nie 'n geskiedenis les nie, eerder 'n kykie na - waarskynlik - die pous se vyande se hoop van wat in sy kop aangaan en dan ook, alles wat onheilig is, in die binnekamers van die Vatikaan. Sal dit nog 'n kans of wat gee, hierdie is nie ligte vermaak nie, eerder diep emosionele ondertone met flitse van Sodom en Gemorra variasies. Nee wat, net 'n stilistiese reeks, niks anders nie. Los eerder. Saam met Bella op die bank.

Pete's Dragon - 3/10

Pete's Dragon begin stadig, is dan ook van meet af net op die vroee" laerskoolmark gerig en kry dit nie reg om mens langer as die eerste 15 minute vas te vang nie. Het maar opgegee. Saam met Bella en Anrich op die bank probeer.

Jason Bourne - 6/10

Dankie tog, vir 'n slag weer 'n ordentlike Jason Bourne fliek. Van die tonele voel bietjie lank en uitgerek. Die lyn is glad nie kompleks nie, waarskynlik hoekom hulle met langer veg en jaag tonele probeer opmaak het. Saam met Bella en Franko op die bank.

Roald Dahl's The BFG - 9/10

Roald Dahl's The BFG is 'n gevoelvolle fantasie fliekie. Dit het 'n redelike eenvoudige lyn, maar die kombinasie van Spielberg se visuele skepping en Dahl se ryk karakters en detail maak hierdie 'n juweel. Dit is sag en snaaks en warm van hart. Meer gemik op die laerskool kyker, maar sal grootmense ook bekoor. Saam met Bella en Anrich op die bank.

Nerve - 6/10

Nerve is nie die beste fliek van die jaar nie, maar dit het 'n spanningslyn wat mens nuuskierig en betrokke hou, al is van die vertolkings dalk net te oordrewe. Daar moet 'n mate van oordrewendheid wees, ons werk tog hier met Amerikaanse tieners. Die lyn is ook nie verregaande vreemd nie, heel realisties. Saam met Bella op die bank.

   

Among Ravens - 0/10

As mens in die eerste 15 minute van 'n fliek glad nie met die karakters of gebeure identifiseer nie, en ook nie 'n verband met die akteurs se vertolkings ontwikkel nie is dit net pyn en lyding vorentoe. Gelukkig het ons besluit om oor te skakel na iets beters as om deur Among Ravens te swoeg. Saam met Bella op die bank.

The Crown, Seisoen 1 - 6/10

The Crown is beslis vir die' wat belangstel in die Britse geskiedenis, maar die slag heelwat meer onlangse gebeure. Die hoofrol verdeling kon sterker gewees het. Nog steeds interessant en kykbaar. Die Kenya episode is nogals 'n verleentheid vir die neus-in-die-lug Brite sou ek reken. Saam met Bella op die bank.

The Secret Life of Pets - 5/10

The Secret Life of Pets is beslis kortvolk materiaal, maar tog vermaaklik. Dit het 'n beperkte dubbellyn (een vir blikoortjies en een vir die ouers). Saam met Bella en Anrich op die bank.

The Mechanic 2: Resurrection - 4/10

The Mechanic 2: Resurrection is redelike Vrydag of Saterdagaand vermaak. Die lyn het beslis 'n paar lelike gate (woorspel hier beslis bedoel), maar wie gee nou om as Mev Alba daarin speel, veral op 'n verlate Thaise strand. Saam met Bella en Franko op die bank.

Aloft - 6/10

Aloft is beslis nie vir die die groter fliek gehoor bedoel nie, kunsfilm materiaal. Ons het eers met Criminal begin, en na 15 minute daarvan na hierdie oorgeswaai. Eintlik dieselfde film behalwe fisiese geweld is hierdie innerlike, emosionele teistering. Sinvolle vertolkings, maar ek moet erken, hierdie een is bietjie bo my beperkte manlike emosionele intelligensie. Saam met Bella op die bank.

Criminal - 3/10

Criminal is seker nie 3/10 sleg nie, maar dit het net flou gelyk, met 'n ietwat sinlose lyn en net te min vermaak. Het so 15 minute lank kon uithou. Op eie risiko. Saam met Bella op die bank.

Tutankhamun, Seisoen 1 - 6/10

Tutankhamun is nie 'n aksie belaaide reeksie nie, kort en tipies Brits. Dit het net 4 episodes en mens leer darem so bietjie geskiedenis daarby. Dit is heel kykbaar, sal dit waarskynlik klaar kyk. Sover gepas vir familie verbruik. Hou van die era en die milieu en die rolverdeling. Saam met Bella op die bank. 

I.T. - 1/10

Ons het I.T. begin kyk, maar daar is 'n naiwiteit, amateuragtigheid en blote swak vertolkings wat hierdie net te pynigend maak. Na sowat 20 minute opgegee. Saam met Bella op die bank.

Dirk Gently's Holistic Detective Agency, Seisoen 1 - 7/10

Dirk Gently's Holistic Detective Agency is regte ingenieurskos, presies soos ou Douglas dit bedoel het. Ek verstaan die reeks volg nie die boeke nie, maar hierdie kon net sowel Ford Prefect en Arthur Dent gewees het. Gepaste, oordrewe vertolkings, half mallerige mense, vreemde tonele, en 'n erg verdraagsame manier van dinge doen. Saam met Bella en Anrich op die bank, alhoewel ek dink ons Bella vir hierdie een gaan verloor.

People of Earth, Seisoen 1 - 5/10

People of Earth lyk belowend, sal dit nog 'n episode of twee kans gee. Ek hou van die hoofkarakter se droe" vertolking, regte kruidjie-roer-my-nie. Kort episodes. Saam met Bella op die bank.

Berlin Station, Seisoen 1 - 6/10

Berlin Station het die potensiaal om seker lank en uitgerek te voel, maar ek is mal oor die Berlyn milieu. Die lyn beweeg redelik, die vertolkings is gepas, en die gevoel net reg. Saam met Bella op die bank, alhoewel hierdie nie heeltemal haar smaak is nie. Hmmm, die tweede episode was net te flou, eerder vir eers ophou volg. 

Speechless, Seisoen 1 - 7/10

Speechless is verfrissend alternatief, en met Minnie wat in haar moeder-aksent praat is hierdie regtig snaaks. Die vertolkings is gepas en mens hou nogals van die karakters. Dit het ook 'n Kanadese gevoel, maar pla nogals nie. Saam met Bella op die bank, maar gepas vir die familie. 

Timeless, Seisoen 1 - 5/10

Timeless begin redelik, sal dit nog 'n kans of wat gee. Hou van die geskiedenis storietjie per episode konsep. Mens hou ook nogals van die karakters. Gepas vir die familie. Saam met Bella op die bank.

Bad Moms - 1/10

Bad Moms verteenwoordig Hollywood op sy swakste. Die tema het regtig baie komedie potensiaal, sekerlik ook ander genres, maar in hierdie een wys hulle swak ma's will eintlik net drink en vloek en fuif. Agnee wat! Regtig tydmors. En Mev Kunis-Kutcher is sterk oppad om na my lys van vermy-akteurs te beweeg. Saam met Bella op die bank.

Nine Lives - 4/10

Nine Lives is 'n rustige fliekie, kykbaar. Dit mis dalk so bietjie 'n paar potensiele komiese situasies, het die gewone lewenslessie of twee, maar met 'n redelike ster belaaide rolverdeling. Saam met Bella en Anrich op die bank.

Star Trek Beyond - 7/10

Star Trek Beyond is pure lekker Vrydagaand fliekmateriaal, en hierdie slag vir my meer getrou aan die Star Trek filosofie as die afgelope paar flieks. Indrukwekkende grafika, redelike lyn en gepaste vertolkings. Saam met die familie op die bank.

This Is Us, Seisoen 1 - 6/10

This Is Us lyk baie goed, maar is meer drama, en dalk net te swaar. Sien nie nou heeltemal kans vir die temas nie, dalk later. Gaan eers nie verder kyk nie. Saam met Bella op die bank.

The Nice Guys - 5/10

The Nice Guys is seker nie so sleg nie, hulle vloek net baie, en uiteindelik tog onnodig. Het dit op SA264, oppad na Greding vir werk, begin kyk, maar wou dit eerder saam met Bella kyk op die bank. Ons moes dit eintlik maar ophou kyk het. Die fliek voel so bietjie sinloos. Saam met Bella op die bank. 

Finding Dory - 5/10

Finding Dory is perfek vir die kortvolk. As mens as ouer dit in die teater moes sou gaan saam kyk, is daar darem 'n paar snaakse stukke. Jy sou dit oorleef. Saam met Bella en Anrich op die bank.

Captain Fantastic - 8/10

Captain Fantastic is 'n ordentlike komedie-drama met die perfekte rolverdeling. Die fliek slaag daarin om mens te laat dink, en hopelik 'n slag vir jouself ook... Dit is 'n gepaste Sondagaand keuse, en sal vir die familie werk, alhoewel dit nie doekies omdraai nie, en goeters by name noem. Eintlik moes Anrich en Franko dit ook gekyk het. Ek het selfs 'n paar terme beter verstaan na hierdie fliekie. Nogals sterk aan te bevele. Saam met Bella op die bank.

The Angriest Man in Brooklyn - 4/10

The Angriest Man in Brooklyn is kort voor Robin se dood gemaak. Dit is beslis nie sy beste werk nie, maar tog darem kykbaar. 'n Paar snaakse tonele, en dan maar eintlik gewone goeters. Saam met Bella op die bank.

Our Brand Is Crisis - 6/10

Our Brand Is Crisis is een van die beter politiek-flieks. Gepaste rolverdeling, met redelike realistiese milieu en gebeure. Raak darem nie te sentimenteel nie, maar het tog 'n element van Amerikaanse groter-is-beter. Het dit op SA264 oppad na Greding vir werk begin kyk, maar wou eerder saam met Bella op die bank kyk. 

The Shallows - 5/10

The Shallows is ietwat kykbaar, maar omdat goeters redelik gou onrealisties raak met Jaws se klein-nefie, verloor die film sy spanningslyn. Darem is Blake nie te onaangenaam as kykmateriaal nie. Saam met Bella en Franko op die bank, Anrich het gaan paartie.

Independence Day: Resurgence - 4/10

Independence Day: Resurgence is sommer gewone, net-net ondergemiddelde, breinlose Vrydagaand vermaak. Soos te verwagte met die soort film is die grafika uit die boonste rakke. En dan die lagwekkende cliches. Saam met die familie op die bank.

Westworld, Seisoen 1 - 7/10

Westworld lyk baie goed, selfde onderliggende spanning as in Black Mirror en Humans. Dit het 'n kort seisoen, en beweeg redelik vinnig. Na die eerste episode wonder mens nog oor die antagoniste en protagoniste... Saam met Bella op die bank.

Marvellous - 7/10

Marvellous het nogals 'n baie vars aanslag vir 'n biografiese rolprent. Dit is ook snaaks, hartseer en beslis opbouend. Dit gee mens vir 'n slag weer moed en hoop in die mensdom. Dit maak mens ook skaam vir jou eie bevooroordeelheid, en dat mens nie iemand op sy baadjie moet takseer nie. En ook die nut van geduld. Ai. Soos Bella se^, 'n slag 'n film sonder allerhande tierlantyntjies en spesiale effekte, 'n doodgewone, dog aangrypende verhaal. Saam met Bella op die bank.

Café Society - 6/10

Café Society laat maar eintlik net een vraag, wie gaan toekomstige Woody Allens maak? Die oubaas is nou al oor die tagtig. En die vroulike hoofrol in hierdie geval kon baie beter gewees het. Tipiese Allen materiaal, dalk nie die beste nie. Saam met Bella op die bank.