Friday, September 25, 2020

Vuil Wasgoed - 6/10

Vuil Wasgoed is beslis snaaks, en laat die meeste wit Afrikaanse mans erg onbehep lyk. Dit is redelik vervaardig vir die - ek vermoed baie klein - begroting. Nie almal sal hierdie snaaks of vermaaklik vind nie, maar ek en Bella het - op die Bank - by tye gesrkeeu-lag. 



   

Thursday, September 24, 2020

Everything Is Illuminated - 6/10

Ek het die meeste van Everything Is Illuminated gemis, was net te vaak om hierdie te volg. Bella het dit wel geniet, veral die andersoort humor. Die punt is dus hare. Sy reken ook die rolverdeling is gepas. Saam met Bella op die Bank. 



 

Wednesday, September 23, 2020

Enola Holmes - 6/10

Enola Holmes is baie lig en dalk meer gepas vir ma's en hul tienerdogetrs. Dit is heel kykbaar, met 'n redelike rolverdeling en milieu, en ietwat voorspelbare verloop. Saam met Bella op die Bank.





Sunday, September 20, 2020

A Rainy Day in New York - 6/10

A Rainy Day in New York is 'n tipiese Woody Allen fliekie, waar die milieu ook dan 'n sterk karakter of rolverdeling is. Hierdie is lig, steeds praterig, maar heel vermaaklik met skerp dialoog en observasies. As jy nie reeds op New York verlief is nie, sal hierdie een beslis die vuur aansteel. Saam met Bella op die Bank. En soos sy tereg hardop wonder - wie gaan Woody Allen flieks maak as hy nie meer nie?


   



Saturday, September 19, 2020

Hollywood, Minireeks - 3/10

Hollywood se eerste episode is so vervelig mens sien kans vir die res nie. Mens gee nie regtig om wat met die karakters gebeur nie. Die reeks is dalk wel van waarde vir iemand in die bedryf. Het so halfpad moed opgegee met die eerste episode. Saam met Bella op die Bank.



 

Friday, September 18, 2020

Evel Knievel (2004) - 5/10

Evel Knievel is ietwat amateuragtig met erg geforseerde dialoog. Mens wonder oor die getrouheid van die uitbeelding, maar dit is tog tot 'n mate vermaaklik. Watookal mens van die perd ding, hy het beslis nie terug gedeins vir enige persoonlike ongemak en erge beserings nie. Die vertolkings is werklikwaar oppervlakkig, maar die milieu voel akkuraat. Saam met Bella op die Bank.


Sunday, September 13, 2020

Resistance - 7/10

Resistance is een van vele Tweede Wereld oorlog dramas. Hierdie weergawe is nogals spannend, met minder gru, maar tog 'n deel daarvan. Getroue milieu en ordentlike vertolkings. Oorlog bly egter ontstellend met sy sinneloosheid en algemena minagting van lewe. Dit is wel die gees van die mens wat veral vir ander omgee wat sulke verhale soos hierdie die moeite werd maak om te kyk. Ten minste leer mens ook iets. Saam met Bella op die Bank.


 


Saturday, September 12, 2020

The Burnt Orange Heresy - 5/10

The Burnt Orange Heresy stel nogals teleur ten spyte van sy potensiaal, rolverdeling en milieu. Die film ondergaan 'n onverwagse metaformose tydens 'n spesifieke gebeurtenis wat dit dan onmiddelik 'n paar vlakke laat val. Aag nee wat, hou dalk eerder verby, die fensie titel help net mooi niks. Saam met Bella op die Bank.



 

Friday, September 11, 2020

Zoom - 5/10

Zoom is amateuragtig, maar met 'n oopkop (oopbors?) tema. Dit is prettig-stout, en laat mens giggel met sy reguit benadering met meer ongemaklike situasies. Op die man af sonder skroom. Moet dit nie saam met ouma kyk nie. Saam met Bella op die Bank. 

  



On Becoming a God in Central Florida, Minireeks - 5/10

On Becoming a God in Central Florida is waarskynlik die moeite werd, met die eerste episode vol onverwagte verlope. Ek voel net nie om tyd daarin te bele^ nie. Dalk is die dialoog net te oppervlakkig-eerlik. Saam met Bella op die Bank (sy wil dit dalk klaar kyk). 






Sunday, September 6, 2020

Zoo - 7/10

Zoo is 'n eenvoudige verhaaltjie maar wat mens intrek en laat goed voel my sy eerlikheid, menslike gees en milieu. Alhoewel ten tyde van oorlog, word mens tot 'n mate daarteen beskerm. Beslis die kyk werd. Saam met Bella op die Bank.  


 


Saturday, September 5, 2020

Cursed, Reeks - 3/10

Cursed ... gits nee, kon dit gelukkig gou genoeg stop. Saam met Bella op die Bank.



Raised by Wolves, Reeks - 5/10

Ek is nog nie seker of ek Raised by Wolves verder wil kyk nie. Die loodsepisode skep konteks en posisie, sonder dat regtig veel gebeur. Sal nog dink. Saam met Bella op die Bank.

 

Rokjesdag - 5/10

Rokjesdag lyk nie te sleg nie, maar ons kon nie onderskrifte in die hande kry wat werk nie. Hulle praat te vinnig en van die dialoog net te moeilik om die nuanses te volg. Maar opgegee. Ai. Saam met Bella op die Bank.




Friday, September 4, 2020

Okja - 6/10

Okja is iets heeltemal anders as wat ons verwag het. Dit is onstellend en vermaaklik tergelyke tyd. Asook amateuragtig, heeltemal oordrewe en oorspeeld. Dit bly egter baie indringende kommentaar op die samelewing, gierigheid en ander doodsondes. Verwag 'n hartseer einde. Saam met Bella op die Bank.



  

Saturday, August 29, 2020

The War with Grandpa - 4/10

The War with Grandpa is maar flou. Dit kort net meer fut. Daar is wel heelwat ongemynde potensiaal. Die poetse en grappe is oumakou, niks nuut en vermaaklik nie. So ietwat van 'n meganistiese ou reseppie. Beslis op eie risiko. Saam met Bella op die Bank.





Friday, August 28, 2020

World War Z - 5/10

World War Z is 'n onverwagte ril-komedie - ek vermoed egter dit was glad nie die vervaardigers of regissuer se intensie nie. Dit is beslis nie skrikmaak materiaal nie, en die zombies, is wel, snaaks, veral die een wat sy tandjies so kap. Dit is ook interessant dat die oomblik dat iemand 'n zombie word, meeste natuurwette nie geld nie, kort van vlieg, kan 'n zombie teen verbysterende vaart amper die lug in hardloop in hope. Dit was wel vermaaklik tot op 'n punt, anders sou dit 4/10 gewees het. Saam met Bella op die Bank.

   



Friday, August 21, 2020

Ava - 4/10

Ava is maar ondergemiddelde pulp. Die lyn is saai, en dit is 'n vreemde mengsel van familie drama en sages, ouderdom, obsessiewe kompulsiewe gedrag. dobbel probleme, alkoholisme en sluipmoorde. Het dit wel klaar gekyk, maar sou nie omgee om halpad op te hou kyk het nie. Van die tonele is net te fantiesties om waar te wees. Saam met Bella op Bank.


Tuesday, August 18, 2020

Dark, Reeks - 7/10

Dark lyk of mens gaan kop moet hou soos 'n dronk weeluis. Met 'n komplekse rolverdeling en kwaliteit vervaardiging gaan ons hierdie dalk verder kyk. Saam met Bella en Anrich op die Bank.


 

Sunday, August 16, 2020

The Birdcatcher - 6/10

The Birdcatcher hou mens nogal op die punt van jou stoel. Dit het 'n sterk spanningslyn met redelike dramatiese pieke en dale. Die grim van oorlog is wel daar, maar dit is eerder die emosionele gesukkel en geswoeg en gesinsgeweld wat ontstel. Die ongerepte sneeulandskap kontrasteer sterk met die onsigbare. Die film eindig beslis nie met 'n sprokie einde nie, maar mens voel tog bevredig met die finale uitkomste. Die rolverdeling is gepas, maar die jongmeisie se ouderdom werk net reg uit nie - hulle het dalk gesukkel om 'n pas te kry vir die rol kriteria. Saam met Bella op die Bank.

  

Saturday, August 15, 2020

Hitmen, Reeks - 3/10


Hitmen se humor is net te basies en aweregs. Dit het wel potensiaal, maar gaan moeisaam raak om te kyk. Kon darem die loodsepisode baasraak maar sien nie vir die res kans nie. Saam met Bella op die Bank.


The Very Excellent Mr. Crocodile Dundee - 1/10


The Very Excellent Mr. Crocodile Dundee is oppervlakkig met werklike swak vertolkings (!) en patetiese, plastiek dialoog. Kon net sowat 20 minute van hierdie pyniging deurstaan. Saam met Bella op die Bank.


Friday, August 14, 2020

Tesla - 4/10

Tesla is teleurstellend - die gebruik van moderne tegnologie en dialoog insetsels doen afbreek en werk glad nie. Die vorige film oor Tesla het dieselfde probleem gehad. Op een of ander manier kry dit net nie reg om sy briljante bydraes uit te beeld nie. Saam met Bella op die Bank.
   

Sunday, August 9, 2020

The Courageous Heart of Irena Sendler

The Courageous Heart of Irena Sendler is gebaseer op ware gebeure en karakters. Sterk vertolkings met gepaste kostuumwerk en milieu. Die film is wel hartseer soos te verwagte, maar die eenvoud van die daad en die storie is bewonderingswaardig. Saam met Bella op die Bank.

  

Intelligence, Reeks - 4/10

Intelligence is 'n flou reeksie, met 'n pynlike vertolking van Die Amerikaner. Ek dink nie hierdie gaan beter word nie, hou eers verby. Saam met Bella en Anrich op die Bank.

 

Saturday, August 8, 2020

Das Boot, Reeks - 7/10


Das Boot is ordentelik vervaardig met 'n sterk spanningslyn en heelwat ontmoontlike situasies. Dit wys dan ook die emosie, drif en teleurstelling aan beide kante van die oorloglyn. Proseduraal en periode korrek. Saam met Bella op die Bank.

 

Made in Italy - 5/10

Made in Italy is dalk nie die beste film nie, maar Italie" bly verruklik. Die vertolkings en rolverdeling werk heel goed, en dan besef mens die parallel tussen die manlike hoofrol en sy seun. Die film kyk op die ou einde net pleinweg lekker, niks gesofistikeerd nie. Saam met Bella op die Bank.


Friday, August 7, 2020

Waiting for the Barbarians - 7/10

Waiting for the Barbarians bevestig die menslike gees maar tergelyke tyd die absolute barbaarsheid van sommige. Dit toon dat die oordeel van barbaarsheid in die oog van die beoordeelaar le^, en dat die lyn maar bitter grys en fyn is. Wie is dan die barbaar? Beslis nie ligte vermaak nie, maar uitmuntend vervaardig, sterk rolverdeling en vertolkings, met 'n asemrowende milieu. Na afloop van die film het mens maar 'n bitter smaak in die mond, teleurgesteld in die mens. Saam met Bella op die Bank.



The Umbrella Academy, Reeks - 6/10

The Umbrella Academy lyk ietwat voorspelbaar maar bind mens tog om te wil kyk wat die oplossing gaan wees. Die karakters is gangbaar, en die vertolkings gepas met 'n irritasie hier en daar. Saam met Bella en Anrich op die Bank.




Sunday, August 2, 2020

Summerland - 6/10

Summerland is 'n besielende fliekie wat met deernis aangebied word. Die milieu is asemrowend te midde van die verwoestende oorlog - dit bevestig die hawe wat gebied word aan stadskinders. Dit is dan ook 'n love story met 'n kinkel of wat. 'n Rustige fliekie wat baie meer op die emosionele fokus, dus dalk meer 'n tjiekfliek (en vir die ander span). Saam met Bella op die Bank.


Saturday, August 1, 2020

Hollywoodland - 5/10

Hollywoodland is gebaseer op ware karakters met verskillende teoriee oor wat presies gelei het tot die dood van George Reeves, meer bekend vir sy rol in Adventures of Superman. Dalk het ek iets anders verwag - die periode, kostuumwerk, milieu is alles korrek, die rolverdeling en vertolkings is beter as gemiddeld, maar die film voel so bietjie sonder fut. Dalk omdat verskillende verlope van sake aangebied word. Die privaat speurder se rol en vertolking staan my ook nie juis aan nie. Saam met Bella op die Bank.



Friday, July 31, 2020

Valley of the Gods - x/10

Valley of the Gods is beslis net vir geharde kunsfliekgangers. Dit is vol simboliek, versteekte simboliek, surrealistiese simboliek, pretensieuse simboliek en oorgestilleerde simboliek. Die het wel asemrowende landskappe, fotografie en ryk beelde met 'n sterk, ondersteunende klankbaan.  Franko het nie saam gekyk nie, maar na die tyd opgelees oor al die simboliek en van dit verduidelik. Nie 'n film wat mens sal mis nie, maar as jy dit gekyk het voel dit nie soos tydmors nie, dalk so bietjie verward. Saam met Bella op die Bank. 



Sunday, July 26, 2020

Surviving Picasso - 7/10

Surviving Picasso wys glad nie sy ouderdom nie, net soos die ou skilder self. Puik vertolkings, getroue milieu en dalk so skeutjie oorspeeld. Steeds interessante materiaal. Saam met Bella op die Bank.

Saturday, July 25, 2020

Hundraettåringen som smet från notan och försvann (The 101-Year-Old Man Who Skipped Out on the Bill and Disappeared) - 7/10

The 101-Year-Old Man Who Skipped Out on the Bill and Disappeared is soos sy voorganger vol grappe en 'n sameflans van toevallighede - veral die soort wat karakters met mindere edele planne sleg benadeel, en die res wat net voortploeter bevoordeel. 'n Aangename Hollywood alternatief. Saam met Bella op die Bank. 

Friday, July 24, 2020

Irresistible - 7/10

Irresistible is sekerlik een van die beter flieks oor Amerikaanse politiek. Dit is vreksnaaks, skerp en steek die draak diep. Die rolverdeling kon nie beter nie, en die hele ontknoping is gepas. Lekker kyk materiaal vir 'n Vrydag of Saterdagaand. Wat hierdie fliek van ander soortgelyke onderskei is omdat die fliek homself (haarself?) nie te ernstig op neem nie. Saam met Bella op die Bank.

Sunday, July 19, 2020

Greyhound - 8/10

Greyhound het dalk nie die beste grafiese effekte of realisme nie, maar teen die einde van die film bloei mens se voete saam met die van Tom Hanks, en voel mens amper meer uitgeput en opgevreet van die senuwees as hy. Die lyn is baie eenvoudig, maar proseduraal is die vertolkings uitstaande, reg deur die, boot? 'n Voorbeeld van wanneer 'n akteur sy sout werd is. Die film was voorgestel deur die Pretoriusse (DDMM). Die enigste steurnis - en ek is nie seker dit het wel so gebeur nie - was die gesiglose vyand se onheilspellende, maar amper lagwekkende stem. Saam met Bella op die punt van die Bank.

Saturday, July 18, 2020

Wasp Network - 6/10

Wasp Network is nie vermaak nie, dalk eerder 'n gedramatiseerde dokumente^r. Dit is wel realisties, waarskynlik redelik akkuraat en met sterk, gepaste, professionele vertolkings. Mens leer ook dan dit dit amper onmoontlik raak om vas te stel wat die waarheid, wie spioeneer op wie, en wie mens kan glo. Ek dink goeters is nou nog nie seker nie. Saam met Bella op die Bank.

 

Friday, July 17, 2020

Nine - 7/10

Nine is verleidelik, speels en oorweldig die sinne met sy ryk visuele beelde en tonekrul melodiee". As Italie" jou veilige plekkie is, is hierdie absolute noodsaaklikheid, veral op die toon van Be Italian. 'n Ode aan die vroulike vorm. Die film sou nog beter gewees het in Italiaans met onderskrifte. Saam met Bella op die Bank.



Sunday, July 12, 2020

The Old Guard - 6/10

The Old Guard is redelike skop-skiet-en-donder materiaal met 'n korrekte verdeling en gepaste vertolkings. Die lyn bly kykbaar ten spyte van voorspelbaarheid en teenstydighede. Saam met Bella op die Bank. 


Friday, July 10, 2020

Die Seemeeu - 6/10

Die Seemeeu is 'n gewroeg en geswoeg en gesukkel en gevloek en beslis net vir fynproewers bedoel. Die rolverdeling en vertolkings is sterk, raak en sonder enige maskers of fieterjasies. 'n Moeilike fliek om te kyk. Ons het ook verskeie mane terug tydens die Negentigs, nog in die Staatsteater se Arena, Anton Pavlovich Tsjekhov se Die Eend gesien, 'n satiriese verwerking van dieselfde materiaal. Saam met Bella op die Bank.

Sunday, July 5, 2020

Dominee Tienie - 9/10

Dominee Tienie is 'n kragvertoning vir Frank Opperman. Hierdie is moet-kyk materiaal as jy in die Tagtigers in 'n klein dorpie se NG kerk was. 'n Volwasse, teer kykie na die moeilike kantoordae van 'n dominee en sy gesin. Wel humoristies by tye, maar beslis met 'n swaar traan daarby. Saam met Bella op die Bank. 

Saturday, July 4, 2020

Mal de pierres (From the Land of the Moon) - 7/10

Mal de Pierres, oftewel, From the Land of the Moon, is besliste geharde fynproewer materiaal. Die vrou is emosioneel ongesteld, om dit uiters lig te stel. Die vertolkings is wel uitstaande, en die milieu net soveel beter omdat nie in een of gre^nd ateljee gedoen is nie. Dit film kyk nie te moeilik nie en is tot 'n mate toeganklik. Saam met Bella op die Bank.

Friday, July 3, 2020

Ander Mens - 8/10

Ander Mens is 'n misdaad-komedie wat met van die bestes in die internasionale bedryf kan meeding. Een ding wat die grendelstaat tye ons geleer het, is die rykdom van films in ander tale wat ons gemis het die afgelope dekade of wat. Die hollywood masjien het ons afgestomp gemaak vir die selfde soort sensasionele pulp, dat mens eintlik die fynproef kuns verloor het. Hierdie is die perfekte Vrydagaand materiaal, snaaks, pittig, skerp, vinnig en kreatief. Die tydsbereking en vertolkings maak hierdie uitstaande materiaal. Dit wys ook mens kan volwasse films in Afrikaans maak wat werk. Saam met Bella op die Bank. 

Monday, June 29, 2020

In the Dark, Reeks - 4/10

In the Dark se lokprent herinner aan Stumptown, maar dit is nie Stumptown nie. Die eerste episode oortuig net nie, en die rolverdeling volg 'n reseppie wat net te opsigtelik is. Gaan eerder verbyhou. Saam met Bella op die Bank.


Sunday, June 28, 2020

Fanny Lye Deliver'd - 6/10

Fanny Lye Deliver'd teken 'n stryd tot oorlewing en waar jou veronderstelde ondersteuningsnetwerk moes help en nie deel van die swaarky is nie. Hierdie is swaar materiaal met 'n taamlik overwagte draai aan die einde en dan kommentaar oor die feitelike pad vorentoe... In Fanny se lewe is en was niks ooit maklik nie. Die arme vrou. Sterk vertolkings deur die bank met 'n idiliese milieu, maar harde lewens, intern en ekstern. Saam met Bella op die Bank.

Saturday, June 27, 2020

The Sleeping Dictionary - 5/10

The Sleeping Dictionary is 'n redelike fliekie, wat dalk so ietwsat sy ouderdom wys (2003). Dit is tot 'n mate leersaam, en alhoewel van die liefdestonele oorbodig voel, is die res piekfyn. Dit is wel duidelik dat Me   Alba as lokaas vir die film gebruik was. Saam met Bella op die Bank.


Friday, June 26, 2020

Pinocchio - 8/10

Pinocchio soos dit moet wees, glad nie met nimlike karakters nie, maar met slinkse wolve en ongure sirkusmeesters. Wel 'n kreatiewe en visuele ryk weergawe en spesiaal omdat dit in Italiaans is. Ek het steeds my Pinocchio leesboek en dit was my gunsteling kinderverhaal. 'n Moet-kyk as jy met hierdie stout seuntjie grootgeword het, met sy neus wat so groei. Ai. Saam met Bella op die Bank.