Friday, December 25, 2020

April 9th - 7/10

April 9th bevestig sterk hoe sinloos oorlog kan wees. Nog 'n film waar mens geskiedenis leer. Geproduseer met 'n omsigtige maar sagte hand, met deernis vir die verslaenheid van die poppe in hierdie spel wat hulle nie gekies het nie. Saam met Bella by Moonshine on Whiskey Creek, Tree Frog eenheid


Thursday, December 24, 2020

Radium Girls - 6/10

Ek hou daarvan as mens iets in 'n reeks of fliek leer - Radium Girls het beslis so 'n element. Dit is 'n redelike periode drama met 'n gepaste rolverdeling en standaard vertolkings. Saam met Bella by Moonshine on Whiskey Creek, Tree Frog eenheid.




Wednesday, December 23, 2020

Breach - 1/10

Gits, na die eerste 5 minute van Breach moes ons die aftog geblaas het - swak storie, swak vertolkings, lagwekkend eintlik en tydmors. Saam met Bella by Moonshine on Whiskey Creek, Tree Frog eenheid. 



Saturday, December 12, 2020

The Undoing, Minireeks - 4/10

The Undoing is plastiek en pleisterryk, maar miskien kan mens dit nog 'n episode kans gee. Die minireeksie wss nie te sleg nie, maar dit het wel 'n swak laaste episode - sekerste die goorste ooit naas Alphas.... Saam met Bella op die Bank.



Greenland - 2/10

Hollywood bewys weereens met Greenland dit bly die onoorwonne koning van gemorskosfilms. Hierdie is so oormatig sentimenteel dit raak belaglik. Ek en Bella het dit gespoedkyk op die Bank.



  

 

Wild Mountain Thyme - 4/10

Wild Mountain Thyme beweeg net te stadig, met dialoog wat net te dik vir 'n daalder is. Wat dit wel red is die asemrowende Ierse landskap en tonele. Dit is egter nie genoeg om hierdie tjiekfliek toeganklik te maak vir non-tjieks nie....dit is net te vervelig. Gedeeltelik saam met Bella op die Bank, geprei oor twee dae. 




 

Wednesday, December 9, 2020

The Flight Attendant, Minireeks - 3/10

Gits, nee, The Flight Attendant misluk klaaglik. Die genre is aanvanlik onseker, en verander skynbaar halfpad in die minireeksie weer. Die hoofrol is uitputtend irriterend, ongeag dat dit tegnies wel korrek vertolk word. Het nie kans gesien vir meer as die eerste episode nie. Saam met Bella op die Bank.

 

Tuesday, December 8, 2020

Sex Education, Reeks - 5/10

Sex Education is nogals snaaks maar ver onder die belt. Sal dit nog 'n episode of wat kans gee, veral omdat die eerste episode die konfigurasie bevestig het. Saam met Bella op die Bank.



Sunday, December 6, 2020

The Queen's Gambit, minireeks - 8/10

The Queen's Gambit begin stadig maar met 'n konstante spannningslyn. Dit word dan gou een van daardie minireekse wat mens eintlik in een sitting wil klaar maak. Die eenvoud van die storie, die periode drama, die raak vertolkings en die hoofrol se gesigsuitdrukkings en veral oe" is betowered en hou mens vasgenael. Saam met Bella op die Bank.




Saturday, December 5, 2020

De Gaulle - 6/10

De Gaulle beweeg ietwat stadig, maar dra tog 'n sterk boodskap oor, veral oor die groot Generaal se persoonlike omstandighede. Die hele film handel oor 'n week in Junie 1940, en mens leer tog iets van die geskiedenis. Dalk nie vir wyer gehore toeganklik nie. Saam met Bella op die Bank.



 

Friday, December 4, 2020

La délicatesse (Delicacy) - 6/10

La délicatesse is 'n minder swaar drama, met komiese elemente. Soos mens kan verwag van 'n Franse film is dit nie maanskyn en rose nie, eerder morsige, gewone lewe. Die film het egter 'n aantrekkingskrag met sy eenvoud en eerlikheid. Dalk meer 'n tjiekfliek, maar toeganklik. Saam met Bella op die Bank.