Twisted Metal

Line of Duty, Reeks - x/10

Citadel, Reeks - 3/10

Citadel lyk net te veel na nog gemiddelde skop-skiet-en-wegkruip. Die loodsepisode is maar flou en nie oortuigend nie. Dit het redelike afwagting geskep, heelaas nie naastenby so aangrypend as wat dit belowe nie. Sal maar eers verbyhou. Saam met Bella op die Bank.

 

 

The Diplomat (VSA, 2023), Reeks - 7/10

The Diplomat het 'n stywe pas, skerp dialoog (mens moet kophou), bogemiddelde vertolkings en 'n perfekte rolverdeling. Stel ook 'n standaard vir die genre met sy verfrissende maar versteekte tong-in-die-kies benadering. Die "spanning" tussen die twee hoofrolle is aanvoelbaar en maak hierdie soveel meer pret. Mens wil hierdie klaarkyk. Elke episode voltrek dan ook met 'n taamlike aan-die-naels-hang einde. Saam met Bella op die Bank.

 

The Night Agent, Reeks - 6/10

The Night Agent is nie noodwendig so briljant nie, die rolverdeling kan beter, die vertolkings kan beter, die milieu is redelik oortuigend, maar vir een of ander rede kan mens nie die episodes los nie - kyk sommer twee na mekaar, hoogs ongewoon vir my kykvoorkeure. Die japon-toneel staan ook nogals uit... Saam met Bella op die Bank.

 

The Offer, Minireeks - 9/10

Wel, as mens die moeite doen om The Offer te kyk, moet mens eers The Godfather kyk as voorbereiding. Dit maak The Offer net soveel beter. Die minireeks is getrou aan die era en milieu. Die stelinkleding, kostuumwerk, en rolverdeling is soos die vertolkings uit die boonste rakke. Hoogs aan te beveel. Saam met Bella op die Bank.

Julia, Reeks - 7/10

Julia se stem kan ietwat te veel raak, maar haar warmte en hartlikheid oorrompel enige gehoor. Kyk beslis hierdie as jy van haar weet, haar boek gelees het, of haar reeks gekyk het, of die fliek oor haar reeks gekry het. Sy het beslis voluit (volstoom?) geleef en alles met gusto aangepak. Sy was ook lewens groot, fisies teen 1.88m! Saam met Bella op die Bank. Bon Appetit!  

Star Trek: Strange New Worlds - 3/10

Dalk het ons verleer om Star Trek te kyk, maar Star Trek: Strange New Worlds is beslis vreemd vervelig. Die intriges en karakters wen beslis nie mens se guns nie. Nie eens die loodsepisode was boeiend nie. Saam met Bella op die Bank.

Reacher, Reeks - 6/10

Reacher is lewensgroot maar koop mens se guns met sy skerp dialoog. Die loodsepisode is belowend met geloofwaardige karakters. Sal die korter reekse klaar kyk. Saam met Bella op die Bank.

Vikings: Valhalla, Reeks - 3/10

Vikings: Valhalla bewys splinterreekse werk nie altyd nie. Hierdie is 'n tam, flou opvolg. Nee wat, dit lyk en klink amateuragtig, gaan beslis nie die tyd spandeer nie. Saam met Bella op die Bank.

Richard Hammond's Workshop, Reeks, Realiteit Televisie - 7/10

Richard Hammond's Workshop is glad nie sleg nie. As mens enigsins van ouer karre hou is hierdie die moeite werd. Ten spyte van sy bravade is dit nie maklik om so besigheid te begin nie. Saam met Bella en Anrich op die Bank.

 

The Gilded Age, Reeks - 5/10

Met dieselfde skepper as Downton Abbey, is die verwagtinge seker net te groot vir The Gilded Age. Die karakters en vertolkings is ietwat saai, en die intriges voel bietjie plastiek. Sal nog kyk, maar nie oortuig nie. So bietjie van 'n reseppie wat net in 'n ander milieu herhaal word met ander mense. Saam met Bella by Buffelsbaai begin kyk. 

 

Succession, Reeks - 6/10

Succession bevat die vewagte drama en intrige dosis, sal nog 'n paar episodes kyk om vas te stel of dit gaan werk aldan nie. Saam met Bella by Buffelsbaai begin kyk.

The Kominsky Method, Reeks - 7/10

The Kominsky Method lyk baie belowend na 'n voorstel van Hercules. Dit is 'n sagter kykie na oudword, met heelwat skerp dialoog. Die rolverdeling is nogals alternatief vir Hollywood. Saam met Bella op die Bank.

  

Jonathan Creek, Reeks - 5/10

Jonathan Creek wys sy ouderdom ietwat, maar omdat dit 'n wieritgedoen reeksie is - elke episode is 'n saak - maak dit nie juis saak nie. Die oordrewe verhoogstyl monoloog optrede van die akteurs is by tye komies en/of irriterend, maar dit lyk of latere seisoene beter raak in hierdie opsig. Saam met Bella op die Bank.

  

Annika, Reeks - 6/10

Annika is 'n mengsel van Sweedse eenvoud en Skotse aksent. Die episodes staan grootliks alleen met 'n paar drade wat deurvleg. Die karakters is geloofwaardig en die dialoog beslis meer volwasse. Die sake is nie te kompleks of fantasties nie, maar met genoeg lyf om mens gei"nteresseerd te hou. Europese reeks bly steeds verfrissend gestroop van pretensie. Saam met Bella op die Bank.   

Chapelwaite, Reeks - 5/10

Chapelwaite is waarskynlik die moeite werd, maar net te donker vir ons. Die milieu, kostuumwerk, rolverdeling en klankryke styl is uitstekend, maar dalk nie vir nou nie. Saam met Bella op die Bank. 

 

What We Do in the Shadows, Reeks - 6/10

What We Do in the Shadows is 'n skyn-dokumente^r. Dit is beslis nie almal se koppie tee nie, maar het regtig snaakse tonele. Saam met Bella op die Bank.

  

The Wheel of Time, Reeks - 5/10

The Wheel of Time begin nie te sterk nie, ek sal dit nog so een episode kans gee. Bella wil dit egter graag klaar kyk, so ek sal seker saam kyk. Ek sou nie se^ hierdie is ekwivalent aan Game of Thrones of Carnival Row nie. Saam met haar op die Bank.

Only Murders in the Building, Reeks - 7/10

Only Murders in the Building is die perfekte kort reeksie, met kort episodes. Die onverwagte rolverdeling werk uitstekend, met ervare vertolkings. Dit is prettig, al is dit 'n wieritgedoen, snaaks en vol eienaardighede. Beslis die moeite werd. Saam met Bella op die Bank.