Ander Mens - 8/10

Ander Mens is 'n misdaad-komedie wat met van die bestes in die internasionale bedryf kan meeding. Een ding wat die grendelstaat tye ons geleer het, is die rykdom van films in ander tale wat ons gemis het die afgelope dekade of wat. Die hollywood masjien het ons afgestomp gemaak vir die selfde soort sensasionele pulp, dat mens eintlik die fynproef kuns verloor het. Hierdie is die perfekte Vrydagaand materiaal, snaaks, pittig, skerp, vinnig en kreatief. Die tydsbereking en vertolkings maak hierdie uitstaande materiaal. Dit wys ook mens kan volwasse films in Afrikaans maak wat werk. Saam met Bella op die Bank.