Vigil, Minireeks - 8/10

Ek wonder of die Koninklike Vloot die vervaardigers reeds hof toe gesleep het? Vigil bewys minder bekende akteurs kan uitstekende vertolkings lewer sodat mens na die storie kyk, en nie die akteurs nie. Hierdie is een van die min reekse wat ons in 'n ry aande klaar gekyk het - aan die einde van elke episode wil mens net gou kyk wat volgende gebeur. Saam met Bella op die Bank.

Resident Alien, Reeks - 6/10

Resident Alien is volwasse komedie met ligte drama elemente daarby. Dit is regtig snaaks. Van die episodes is ietwat saai, maar daar gebeur genoeg om belangstelling te behou. Die gesigtoertjies van die manlike hoofrol is werklikwaar merkwaardig. Die rolverdeling is raak en die mileu is perfek (wens ek kon daar woon). Saam met Bella op die Bank.

  

12 Mighty Orphans - 7/10

Ek is nie gek na sport flieks nie, maar 12 Mighty Orphans vind nogals sy pad in na 'n mens se hart. Dit het waarskynlik te doen met die milieu, periode, rolverdeling en verhaal. Dit is dan ook gebaseer op ware gebeure, wat mens se tone laat krul van genot, veral met sekere inhegtenisnames. 'n Goeie keuse saam met die familie op 'n Sondagaand. Saam met Bella op die Bank.

The Power of the Dog - 3/10

The Power of the Dog is doodvervelig. Veral die dialoog. Kyk, ek kan 'n stadige kunsfilm met lang kameraskote wat met aandag en detail gerangskik is waardeer. Maar hier is net te min asemrowende landskappe om hierdie pappie te red. Beslis 'n film van akteurs vir akteurs sonder om die kyker in ag te neem. Kragtoer vertolkings sonder sin. Kon sowat 30 minute verduur. Saam met Bella op die Bank.

Le Bal des Folles (The Mad Women's Ball) - 8/10

Le Bal des Folles is gebaseer op ware gebeure en as mens so daar aan dink, nogals ontstellend. Dit herinner ook sterk aan Hysteria, maar laasgenoemde het 'n ligter en meer komiese aanslag, alhoewel met dieselfde onderliggende tema - kwakke en algemene mening wat sekere gedrag in die naam van wetenskap of geloof onderdruk, vervolg en verwyder. Die milieu, kostuumwerk, periode, rolverdeling en vertolkings is onverbeterlik. Mens voel die magteloosheid aan van die slagoffers en sit self in daardie koue donker gat. Vir ervare kunsfliekgangers bedoel. En dankie tog! gelukkig is hierdie 'n Franse produksie en nie Hollywood nie - ek sidder om te dink wat hulle met die draaiboek sou doen. Saam met Bella op die Bank.

On Wings of Eagles - 6/10

Ten spyte van die milieu, periode, rolverdeling en storie het ek On Wings of Eagles bietjie langdradig en vervelig gevind. Wat ook gebeur het, veral na die eerste helfte, is dat daar heelwat Japannees gepraat word sonder onderskrifte. Ons kon glad nie gepaste onderskrifte opspoor nie. Dus die aftog geblaas omdat te veel van die lyn verlore raak. Saam met Bella op die Bank.

Lady of the Manor - 2/10

Lady of the Manor is maar erg amateuragtig. Bella het net die einde klaar gekyk. Ek kon dit nie uithou nie. Saam met Bella op die Bank.

Nine Perfect Strangers, Reeks - 6/10

Nine Perfect Strangers begin heel onheilspellend, met die tipiese Hollywood benadering. Dit is 'n korter reeks, so sal dit waarskynlik klaar kyk tensy dit heeltemal skeef uitdraai. Soos met The White Lotus lyk dit nie of mens van enige van die karakters kan hou nie. Saam met Bella op die Bank.

L'enfer (Torment ook bekend as Hell) - 3/10

L'enfer begin redelike amateuragtig en bewys dat nie alle Franse films kuns materiaal is nie. Sowat 15 minute kon uithou. Saam met Bella op die Bank.

Stillwater - 6/10

Ek is nie aldag seker wat mens dryf tot die skryf van 'n draaiboek en maak van 'n fliek soos Stillwater nie. Dit is nie asof hulle baie geld gaan maak of groot gehore met hierdie oukie trek nie. Dit val seker meer in die kunsfliek kring. Maar ten spyte steeds heel kykbare materiaal. Ten minste nie met 'n Hollywood einde nie en met 'n sinvolle rolverdeling. Saam met Bella op die Bank.

Worth - 7/10

Worth is eintlik 'n doku-drama maar skep genoeg afwagting om 'n baie eenvoudige reeks van gebeure genoegsaam voor te le^ aan die fliekganger. Hier vaar die manlike hoofrol heelwat beter as met The Protégé. Die film is dan nie oor-sentimenteel of sensioneel nie, die saak word met genoegsame style aangeraak. Saam met Bella op die Bank. 

Cinderella (2021, Musical) - 0/10

Kon die eerste paar minute deursit van Cinderella, maar niks meer as 180 sekondes van die hoofrol se stem nie - toe sy begin sing toe breek alle hel los. Net honde en vle^rmuise sal op daardie stem reageer. Daar gaan 'n geliefde sprokie in skril stemme op. Saam met Bella op die Bank.

 

The Protégé - 6/10

The Protégé maak dit ook net-net bo die gemiddeld. Voorspelbaar en met 'n vervloee" manlike hoofrol. Hulle kon beter gekies het. Steeds darem redelike kyk materiaal vir 'n Vrydag of Saterdagaand. O, en Mnr Jackson red ongelukkig nie die film op sy eie nie. Saam met Bella op die Bank.

 

Efterforskningen (The Investigation), Minireeks - 8/10

Soos te verwagte, absolute minimalisme, geen koeitjies en kalfies nie, maar met 'n opbouende afwagting, al ken mens die ware gebeure van Efterforskningen (The Investigation). Stylvolle minireeeks van 'n moord wat net na ons in Kopenhagen was plaas gevind het. Hiper-realistiese vertolkings, milieu, kostuumwerk, stelinkleding en vertolkings. Saam met Bella op die Bank.

The Toll - 5/10

The Toll is ietwat sinloos en te geweldadig. Ek het by tye aan die slaap geraak en dalk die einde gemis. Saam met Bella op die Bank.

  

Reminiscence - 6/10

Reminiscence is gangbaar maar vir een of ander rede werk die Noir stem van die manlike hoofrol nie lekker nie. Interessante konsep met so paar gate hier en daar. Saam met Bella op die Bank.

The White Lotus, Reeks - 7/10

Ek was so bietjie teleurgesteld by die verneme dat The White Lotus 'n opvolg seisoen het. Hierdie tipe reeks het die beste slaankrag as 'n kort, kragtige minireeks. Maar dit ten spyt, met die openingstoneel van die reeks primie^re is daar 'n afwagting na 'n verduideliking geskep wat met elke episode meer intens raak, veral omdat die saak glad nie aangeraak word nie. Daar is verborge wenke na moontlike oorsake, maar word verdoesel deur ander sensasie-skok elemente. Die reeks raak menslike natuur op so 'n manier aan dat dit nogals onrusbarend, onheilspellend, half ontstellend is. Nie een van die karakters, behalwe dalk een, is gure mense nie. Maar die oordonderende Hawaiise klankbaan versterk die broeinde sweer wat sekerlik moet oopbars. Beslis 'n vlak van kreatiwiteit versteek in blote sig. Saam met Bella op die Bank.

 

Annette - 3/10

Annette is 'n vertoonstuk vir veeldoelige en talentvolle akteurs. Dit is egter wel nie kykbaar en sinvol vir 'n gehoor nie. Meer as 'n aks esoteries. Dalk die perfekte finale jaar projek van 'n drama student. Sowat 15 minute is al wat ek kon maak. Saam met Bella op die Bank.

 

Snake Eyes - 5/10

Snake Eyes is maar gewone skop-skiet-en-donder met 'n tikkie Ninja fantasie by. Dit is gemiddelde, breinlose vermaak vir 'n Vrydag of Saterdagaand. Saam met Bella op die Bank.

 

Toorbos - 9/10

Toorbos sou tien uit tien kry as dit nie vir die swakker manlike hoofrol rolverdeling was nie. Maar die milieu, periode, kostuumwerk en vertolkings is alles uit die boonste rakke, en dit vir 'n plaaslike produksie. 'n Mooi verhaal in 'n feetjiebos. Saam met Bella op die Bank (sy het dit wel reeds gesien).

Land - 6/10

Land is 'n stadige maar kort kunsfliekie oor die onvermoe" om te herstel na 'n erge traumatiese ervaring. Dit is sielvol en besielend, en beslis nie lig nie. Saam met Bella op die Bank.

James May: Our Man in Japan, Dokumenter, Minireeks - 6/10

James May: Our Man in Japan bevestig wat ek lankal wil doen, Japan van Noord na Suid besigtig. 'n Kykie buite die gewone toeriste attraksies. Saam met Bella en Anrich op die Bank.

 

The Last Mercenary - 6/10

The Last Mercenary is onpretensieus en sommer net laf. Die tong-toneel is skreeusnaaks, en daar is heelwat aksie humor. Moet nie 'n JCVD film verwag nie, hier het hy al heelwat myle op, mens herken hom amper nie. Daar is wel 'n gespot met van die aksie-tonele uit sy vroee"re films. Mens moet nogals vinnig lees om 'n aksie-komedie met onderskrifte te kyk. Verfrissend non-Hollywoods. Saam met Bella op die Bank. 

  

Spoorloos, Reeks - 5/10

Spoorloos is net te drama-agtig. Sal nog besluit en nog so een episode kyk. Saam met Bella op die Bank.

Queen & Country - 7/10

Queen & Country is die opvolg van Hope and Glory. Dit is minder oorspeeld as sy voorganger en op die ou einde net 'n verdere verloop van gebeure. Dit het wel hart, en mens bly tog kyk. Lewensdrama op ware gebeure geskoei. Saam met Bella op die Bank.

The Suicide Squad - 4/10

The Suicide Squad kan doen met skerper humor eerder as die afgestompte optrede. Die rolverdeling is raak, en die haai (King Shark) is waarskynlik die snaakste en beste deel van die fliek. Die antagonis is nie waarlik die antagonis nie, en eerder 'n tragiese verloop van gierigheid, gulsigheid en goedgelowigheid. Saam met Bella op die Bank.

Jungle Cruise - 4/10

Jungle Cruise is maar flou makou, en dalk te veel op die kortvolk mark gerig. Die dialoog is skoon, daar is nie seks en vloek nie, maar die antagonis is werklikwaar vreemd, veral die keuse van karakter en rolverdeling. Dit voel regtig onvanpas. Ek is seker 'n swetterjoel Standerd Eens sal hierdie baie waardeer. Saam met Bella op die Bank.

  

F9: The Fast Saga - 4/10

Moet nie enigsins verwag F9: The Fast Saga vervolg mooi op die voorgangers nie. Hierdie is iets nuuts, maar eintlik maar onsinnige Hollywood pulp. Ten minste redelike eskapism met verregaande tonele. Saam met Bella op die Bank.

 

Settlers - 7/10

Ek het nie geweet Mars is naby Vioolsdrif nie? Settlers is 'n depressiewe kykie na ware pioniers - hierdie is nie ligte wetenskapfiksie nie. Professioneel vertolk en vervaardig. Saam met Bella op die Bank.

French Exit - 5/10

French Exit gebruik nie Parys tot sy maksimum potensiaal nie. Die fliek slaag ook nie om my aandag deurentyd te behou nie.... sluimer, sluimer, slapies. Bella het dit wel geniet. 

A French Exit may be an alternative for a French Letter?

Dr. Death, Minireeks - 6/10

Dr. Death bevestig maar wat mens dink gebeur. Die stelsel laat mens net jou kop in ongeloof skud. Ek dink egter erger dinge gebeur as hierdie - dit word net nie so aan die lig gebring nie. Saam met Bella op die Bank.

Ted Lasso, Reeks - 10/10

Die loodsepisode van Ted Lasso lyk belowend in twee opsigte, eerstens die milieu en tweedens die dialoog en premis. Maar wat die koek steel is die hoof antagonis. Sal beslis nog 'n paar episodes kyk. Dit herinner ook sterk aan Emily in Paris. Anders as verwag het die hoofrol 'n seunsagitge onskuld in sy benadering, iets wat moeilik moes wees vir 'n Amerikaanse akteur. Hierdie reeksie raak al beter, met baie skerp en snaakse se^ goed, maar ook heelwat waarvan mens kan leers, soos bv, “Be curious, not judgmental” – Walt Whitman. Saam met Bella op die Bank.

 

Finding You - 6/10

Finding You is 'n onskuldige tjiekfliekie, met 'n taamlik voorspelbare lyn. Dit is wel die milieu wat die hart steel. Saam met Bella op die Bank. 

  

Les Herbes Folles (Wild Grass) - 3/10

Les Herbes Folles bewys dat nie alle Franse films die moeite werd of goed is nie. Die sin van die film, gegee dat dit wel 'n kunsfliek is, maak nie sin nie. Dit val rond. Die akteurs is ook nie noodwendig te waffers nie. Mens bly kyk in die hoop dat iets sinvol gaan gebeur. Teen die einde besef jy dit was erge tydmors. Die film se plakaat is waarskynlik die beste deel. Ai. 'n Minder suksesvolle flieknaweek. Saam met Bella op die Bank. 

 

The Tomorrow War - 3/10

The Tomorrow War is seker nie die slegste Hollywood film ooit nie. Dit is redelike eskapism, maar wat my kry van hierdie tipe films is dat fisika wette nie deur buitenruimtelike wesens gehoorsaam word nie. Breinloos en te naby aan cv19. Saam met Bella op die Bank.

Radio Free Albemuth - x/10

Radio Free Albemuth lyk taamlik esoteries, dus het ons die aftog redelik vinnig geblaas. Ek sal dit egter wel nog 'n probeerslag gun. 

The word "albemuth" was derived by Philip K. Dick from the Arabic word Al Behemoth, "the whale", itself an oblique reference to Fomalhaut, the star Dick at one time believed VALIS came from in real life. 

- Word Similarity

Jolt - 5/10

Jolt is die naweek se beste film gewees, maar steeds nie bogemiddeld nie. Dit is 'n skaamtelose nabootsing van John Wick, net met gatskop vroue. Ek is 'n groot Kate Beckinsale aanhanger, maar hier stem ek nie saam nie. Ten minste is die sterk visuele, ryk milieu vermaaklik en aanskoulik. Saam met Bella op die Bank.

Domina, Reeks - 6/10

Domina is visueel en stilisties sterk en ontwikkeld, en dalk te fyn afgewerk as wat mooontlik was tydens die werklike era. Ek is egter oortuig die dialoog was nie naastenby so modern en afgerond nie - hulle het beslis ook nie die f-bom so gebruik nie. Dalk so hierdie soveel beter in die oorspronklike taal met onderskifte gewees het. Sal dit wel klaar kyk, die geskiedenis bly interessant, al as dit so oorgedramatiseerd. Saam met Bella op die Bank.

Hope and Glory - 6/10

Hope and Glory wys sy ouderdom (1987) met oorspeelde, oordawerende en oordrewe vertolkings, dialoog en fisiese manewales. Dit is wel nodig om hierdie te kyk as mens die opvolg beplan. Steeds interessant hoe kinders oorlog beleef en hoe vinnig dit hulle realiteit word in al hul optredes. Saam met Bella op die Bank.

   

Mike and Mavis - 6/10

Mike & Mavis is kort en soet met karakter, milieu en kostuum ekonomie. Romantiese tonele in alledaagse Gauteng. En nog meer alledaagse dialoog tussen die ma en dogter. Die hoofkarakter is wel betowerend in sy vasberadenheid. Saam met Bella op die Bank.

Die oorspronklike Mike & Mavis radio-paar.

 

Vervroegde Aftrede, Kort Film - 5/10

Vervroegde Aftrede is heel vermaaklik. Dit is ietwat voorspelbaar, maar die vertolkings is net genoeg tong-in-die-kies om hierdie 'n prettige aard te gee. Saam met Bella op die Bank.

 

The Duke - 6/10

The Duke maak staat op sy sterk rolverdeling, kwaliteit vertolkings en era. Die lyn is redelik eenvoudig, maar wel gebaseer op ware gebeure. Mens voel vir die omie en al sy manewales, en verstaan se wederhelf se frustrasie. Hy skop ten minste teen die stelsel. Saam met Bella op die Bank. 

Gunpowder Milkshake - 5/10

Gunpowder Milkshake is redelike skop-skiet-en-donder aksies, darem met 'n oorheersende meisie-bende. Visueel ryk en stylvol, met 'n geloofwaardige lyn. Saam met Bella op die Bank.

Ragnarok, Reeks - 6/10

As enige iemand anders as die Noorwee"rs Ragnarok gemaak het, sou dit waarskynlik nie so onderspeeld en onderstromend voorgekom het nie. Gewone mense in 'n gewone, maar asemrowende natuur omgewing, kleindorpie. Sal beslis Seisoen Een klaar kyk. Wat hierdie van enige soortgelyke ekwivalent onderskei is die oorspronklike taal met onderskrifte. Saam met Bella op die Bank.

The Scottish Play - 7/10

The Scottish Play maak ou Ingels in ongerymde iambiese pentameter heel toeganklik vir 'n meer algemene gehoor. Die skep van heelwat nuwe frases is interessant en val sag op die oor. Die fliek het 'n geduldige tempo, met 'n rustige Amerikaanse kleindorpie milieu en speelse vertolkings, alles in lyn met die gevoel van die bronteks wat voorgehou word. Die rolverdeling is sterk en ondersteunend. Saam met Bella op die Bank.

Qualcosa di Nuovo (Something New) - 4/10

Qualcosa di Nuovo is net te lig en laf vir my. Kon ten minste die eerste 30 minute deurmaak slegs omdat dit in Italie" afspeel... Die openings sekwens was ook net te oordoen, my kop het begin swaai. Saam met Bella op die Bank.

 

Black Widow - 6/10

Black Widow is, soos te verwagte, een lang sekwens van vegtoertjies maar darem met pittige se^goed tussendeur. Die onmoontlike word hier gemaklik moontlik. Nogsteeds 'n goeie dosis eskapism vir 'n lui Vrydagaand. Saam met Bella op die Bank.

  

Korkoro - 8/10

Korkoro is gemik op geharde kunskring fliekgangers. Dit was wel bedoel as 'n dokumente^r, maar werk steeds as 'n film, alhoewel sonder 'n spesifieke storielyn. Dit is hartseer en laat mens koud en magteloos teen die mensdom en sy ondinge. Die fliek oorrompel met sy borrelende emosie en opregtheid. Saam met Bella op die Bank.