Na 'n aanbeveling van Arno en Bernardt het ek wel besluit om Tropic Thunder te kyk. Bella het dit vir ons bespreek byVee's Video, en ek is nou baie nuuskierig om te sien of dit werklik so snaaks is....
Ja wel, dis iets heel anders as wat ek verwag het - dit is verfrissend anders, baie snaaks, en daar is beslis geen definisie van heilige koeie volgens Stiller nie. Die feit dat hulle bekende akteurs gebruik het, en so verander het dat mens hul byna nie herken nie is baie interessant. Veral Tom Cruise doen iets wat mens glad nie gedink het hy sal doen nie - baie verassend. Ek moet se^ dat Robert Downey en Tom Cruise uitstaan in hierdie aspek, en selfs ook Jack Black, wat ek glad geen ooghaar voor het nie. Hierdie is nie ligte vermaak nie, alhoewel dit seker so gesien kan word - hulle vloek baie, en daar is so paar baie ongemaklike verwysings na geloof. Die geweld weet mens is plastiek, maar daar is 'n toneel wat hierdie wete so verdraai dat jy self bloed in jou mond proe. Kyk gerus, maar nie vir die met 'n swakkerige konstitusie nie. Saam met Bella op die bank.
No comments:
Post a Comment